炑八韓烤 (偉華中心) (已結業)

二月份团拜一浪接一浪，在二月底终于约到班旧同事去沙田揾食，原本想食嘅陈根记搬离左禾𪨶无咁方便，最后拣左沙田炑八韩烤。平日夜晚唔系好多人，安排我地8个人坐埋一边唔会嘈到人（希望无打扰到其他人啦），旧同事见面最啱讲旧屎，开心唔开心嘅都系话题，全部变成笑料一则。其实𠮶晚都系讲多过食，我地食左以下食品：✨猪腩肉大大件自己剪黎烧，不过无味有点失望✨护心肉猪肉类但样似牛肉，有腌过食落淋淋地，烧过更加野味✨薄牛舌每边烧几秒就可以食，喜欢牛舌浓郁牛味✨牛小排牛肉和油脂分怖比例完美，以烧烤烤熟，小许咬口有少少牛肉味✨八爪鱼全只八爪鱼，烧起黎一路收缩，感觉好残忍咁，好彩有朋友代烧，味道超级好，好想再encore✨虾一般货色可食可唔食✨原味炸鸡原本系想叫有酱的炸鸡，可能大家误会左侍应出原味比我地，食左少少都比较鞋口，味道一般可以不吃✨韩式炒粉丝无影到相，味道尚可✨沙律够新鲜，可以减低食肉的油腻感总括黎讲最好味系护心肉和八爪鱼，至于芝士粟米和鸡蛋、泡菜、芽菜、生菜任食，依餐每人大约160元，人多可以试多啲款，价钱合理够晒抵食，最重要系一班朋友嘻嘻哈哈又一晚，希望下次再见唔使十年后啦。