影片
更多
2022-07-12
17 浏览
好耐之前已经试过佢哋嘅吉列牛觉得唔错，呢晚同屋企人行过再嚟试多次，啲水准果然都系咁好(˶‾᷄ ⁻̫ ‾᷅˵)🍽食物✨吉列炸牛扒 $188 8/10牛扒上到嚟只系得一两成熟，要系个炉头到加热到自己中意嘅生熟度。外面嘅炸皮好薄，唔会好油腻，烧到佢外层开始变色就差唔多食得啦(⁎⁍̴̛ᴗ⁍̴̛⁎) 食落外脆内软，同埋充满油脂香气，个人觉得蘸少少盐就好好味～果然系呢度嘅名物！👍🏻牛舌拼薄切牛 $188 7.5/10呢款系全生嘅，都系烧到自己中意嘅生熟度就食得！薄切牛嘅牛味冇咁浓，不过肉质好软淋，一啲都唔韧，至于牛舌就比较爽口，烧一阵已经食得，不过夹埋得6块有啲唔够喉🤣✨顶级板腱牛扒 $215 8/10店员话呢款系每日限定，落单嘅时候会问左要几成熟先，店员推荐五成熟，不过我哋比较中意七成熟🫢 一嚟到就见到外面系煎到金黄色，而入面仲系好粉嫩，真系够晒吸引🤤食落去牛味好香浓，系三款之中最重牛味嘅一款～ 即使油脂感唔系咁丰富都仲觉得好香，不过就咁食略嫌有啲韧，如果系个炉到加热多一阵，肉质结实返啲，再蘸少少盐食就perfect～每个set都会跟沙律同饭，个饭仲铺满左饭素，好好送饭，不过今次啲饭素就好似重手左🤣食落有啲啲
🍽食物
✨吉列炸牛扒 $188 8/10
牛扒上到嚟只系得一两成熟，要系个炉头到加热到自己中意嘅生熟度。外面嘅炸皮好薄，唔会好油腻，烧到佢外层开始变色就差唔多食得啦(⁎⁍̴̛ᴗ⁍̴̛⁎) 食落外脆内软，同埋充满油脂香气，个人觉得蘸少少盐就好好味～果然系呢度嘅名物！
👍🏻牛舌拼薄切牛 $188 7.5/10
呢款系全生嘅，都系烧到自己中意嘅生熟度就食得！薄切牛嘅牛味冇咁浓，不过肉质好软淋，一啲都唔韧，至于牛舌就比较爽口，烧一阵已经食得，不过夹埋得6块有啲唔够喉🤣
✨顶级板腱牛扒 $215 8/10
店员话呢款系每日限定，落单嘅时候会问左要几成熟先，店员推荐五成熟，不过我哋比较中意七成熟🫢 一嚟到就见到外面系煎到金黄色，而入面仲系好粉嫩，真系够晒吸引🤤食落去牛味好香浓，系三款之中最重牛味嘅一款～ 即使油脂感唔系咁丰富都仲觉得好香，不过就咁食略嫌有啲韧，如果系个炉到加热多一阵，肉质结实返啲，再蘸少少盐食就perfect～
每个set都会跟沙律同饭，个饭仲铺满左饭素，好好送饭，不过今次啲饭素就好似重手左🤣食落有啲啲咸，仲有日式腌菜，可以帮口腔清新一下～
⛩环境
👍🏻 铺面唔算好大，不过枱同枱之间都唔会好近够阔落，同埋就算系烧肉都唔会食完成阵味好油腻嘅感觉
💁🏼♀️服务
👍🏻店员服务态度好殷勤，好热情咁介绍menu同埋有咩推荐嘅菜色，同埋其他店员都好有礼貌
📝总评 8/10
今次系第二次到访仍然维持到水准，有得自己烧又可以食到高质牛肉，睇得又玩得，又唔会有食烧肉个种油腻感🤣不过份量系比较适合一个女仔，如果大胃王嚟到可能要嗌多个set先够食🤭
👛人均消费 ~$217(连加一服务费)
⏱冇限时
张贴
