影片
更多
2020-03-31
8435 浏览
我Bookmark咗呢间餐厅好耐㗎喇，之前一月嘅星期日嚟过一次，但竟然内部维修唔营业，激死我！今次我哋打电话订定枱，实行无走鸡。我哋准时夜晚六点半钟去到，由天未黑🌕食到天黑🌑。餐厅环境好靓，大部份座位都系靠近大玻璃窗😛，另外亦划分咗唔少包箱，应该可以包个细场做Party。最特别系门口有几个鱼缸🐟，中式酒楼以外好少见！我仲留意到餐厅贴咗啲图片出嚟介绍「赵保记」海鲜档，Google完发现原来餐厅系海鲜档嘅后人开，而餐厅嘅海鲜亦系来至𠮶到，所以全部都好新鲜、生猛！我哋入座后，年轻女店员随即送上餐牌同水。成间餐厅话大唔大，话细唔细，但主要得佢一个满场飞，超厉害，劲专业，就连喺鱼缸捞海鲜俾厨房，都系由佢一手包办👍。既然周末都有得叫套餐，就梗系唔好执输啦！我哋叫咗精选套餐($288/1位)，包沙律、前菜、汤，主菜同甜品，都几丰富😙。餐厅行西日Fusion路线，主打海鲜，价钱还好吧，属合理水平，始终餐厅位处于湾仔区，加上环境都加哂分。首先，我哋各自有一份时令野菜沙律🥗，味道不过不失，我钟意佢加咗蟹籽仔，开胃呀。是日餐汤系大蚬面豉汤🥣，汤够哂热，而且只蚬真系好大只，爽！刺身三款🍣拼新鲜南非矶煮鲍鱼配鲍
我Bookmark咗呢间餐厅好耐㗎喇，之前一月嘅星期日嚟过一次，但竟然内部维修唔营业，激死我！今次我哋打电话订定枱，实行无走鸡。我哋准时夜晚六点半钟去到，由天未黑🌕食到天黑🌑。
餐厅环境好靓，大部份座位都系靠近大玻璃窗😛，另外亦划分咗唔少包箱，应该可以包个细场做Party。
最特别系门口有几个鱼缸🐟，中式酒楼以外好少见！我仲留意到餐厅贴咗啲图片出嚟介绍「赵保记」海鲜档，Google完发现原来餐厅系海鲜档嘅后人开，而餐厅嘅海鲜亦系来至𠮶到，所以全部都好新鲜、生猛！
我哋入座后，年轻女店员随即送上餐牌同水。成间餐厅话大唔大，话细唔细，但主要得佢一个满场飞，超厉害，劲专业，就连喺鱼缸捞海鲜俾厨房，都系由佢一手包办👍。
既然周末都有得叫套餐，就梗系唔好执输啦！我哋叫咗精选套餐($288/1位)，包沙律、前菜、汤，主菜同甜品，都几丰富😙。餐厅行西日Fusion路线，主打海鲜，价钱还好吧，属合理水平，始终餐厅位处于湾仔区，加上环境都加哂分。
首先，我哋各自有一份时令野菜沙律🥗，味道不过不失，我钟意佢加咗蟹籽仔，开胃呀。
是日餐汤系大蚬面豉汤🥣，汤够哂热，而且只蚬真系好大只，爽！
刺身三款🍣拼新鲜南非矶煮鲍鱼配鲍鱼肝酱，刺身船非常有气势同吸睛。女店员话师傅今日帮我哋啲刺身升咗级，因此有三文鱼、中拖罗同甜虾🦐。三款都系厚切，味道唔错。
新鲜南非矶煮鲍鱼配鲍鱼肝酱
39 浏览
0 赞好
0 留言
活鲜蟹鲍鱼汁焗饭
48 浏览
1 赞好
0 留言
只蟹🦀真系好大只，啲肉好Firm，味道超鲜甜，我谂应该系因为啲蟹系新鲜即㓥即煮吧。不过出街食蟹真系好麻烦，就算有工具都未必食得好干净，但呢只蟹真系好好肉。
至于个鲍鱼汁焗饭本身都非常出色😋，每粒饭粒都入哂味，连平日唔好食饭嘅我，都食咗劲多啖🍚。由于个锅够热，食到最后边边啲位整到少少饭焦，朋友劲钟意。
乌龙茶果冻
39 浏览
0 赞好
0 留言
最后，当然唔少得额外追加嘅蜜糖脆脆松饼🥞($88)配鲜菓加雪糕($28)，一场嚟到点都要试埋餐厅嘅招牌甜品。
蜜糖脆脆松饼
$88
35 浏览
0 赞好
0 留言
蜜糖脆脆松饼
$88
37 浏览
0 赞好
0 留言
总括嚟讲，「御家」呢间海鲜餐厅真系好高质，食物、环境、服务同卫生等方面都令人十分满意。佢比起同大厦另一楼层嘅餐厅优胜劲多(如果你知我讲边间😒)，值得更高人气。再者，呢到成个氛围好适合庆祝生日或者纪念日，你享受紧嘅唔止系食物，而系成个用餐体验🍽。
张贴
