影片
更多
2021-02-06
3669 浏览
食肉兽嘅我哋无论牛扒定烧肉都一样咁钟意食🐂，最近见黄埔开咗间过江龙日式烤肉店「YAKINIKU KAKURA」，于是放假就去咗食个靓午餐😝，坐低慢慢叹。餐厅环境好舒服，面积大，座位阔落，而且设计用上木格栅作间隔，感觉好似独立包箱，有私隐得嚟又唔拘束，气氛好Causal☺️。同时，烤肉店其中一样好重要嘅系抽风系统，呢度完全无问题，我哋烧足两个钟，个身都无咩味。餐厅采用电子落单，但亦有提供实体餐牌。店员们全部都好有礼貌，服务到位👍，而且感觉诚恳，唔系单单言语上展现出嚟。例如佢哋会主动跟进上餐进度，以及我哋换炉嘅需要。如果客人懒得烧，店员亦乐意代劳。呢度有提供午市套餐，点都抵食过单点啲啲嘅！黑毛和牛大判烧盛合($368)，我自问唔系甚么饮食达人专家，🐮但和牛嘅口感味道真系同普通牛肉完全唔同。和牛嘅油脂感真系令人有哇然嘅感觉😳！套餐包三款鹿儿岛和牛，包括大判烧!黑毛和牛西冷、和牛里腹小排以及和牛背末脊肉。大判烧!黑毛和牛西冷果然非同凡响🥩，虽然系薄切，但面积相当大，大块过个炉面，所以一定要剪开烧。西冷油脂分布劲靓，肥肥边位烧起嚟更香脆🤤。餐厅奉上温泉蛋汁沾嚟食，其实点唔点都咁正。另外两款和牛亦各
食肉兽嘅我哋无论牛扒定烧肉都一样咁钟意食🐂，最近见黄埔开咗间过江龙日式烤肉店「YAKINIKU KAKURA」，于是放假就去咗食个靓午餐😝，坐低慢慢叹。
餐厅环境好舒服，面积大，座位阔落，而且设计用上木格栅作间隔，感觉好似独立包箱，有私隐得嚟又唔拘束，气氛好Causal☺️。同时，烤肉店其中一样好重要嘅系抽风系统，呢度完全无问题，我哋烧足两个钟，个身都无咩味。
餐厅采用电子落单，但亦有提供实体餐牌。店员们全部都好有礼貌，服务到位👍，而且感觉诚恳，唔系单单言语上展现出嚟。例如佢哋会主动跟进上餐进度，以及我哋换炉嘅需要。如果客人懒得烧，店员亦乐意代劳。呢度有提供午市套餐，点都抵食过单点啲啲嘅！
黑毛和牛大判烧盛合
$368
36 浏览
0 赞好
0 留言
大判烧!黑毛和牛西冷
34 浏览
0 赞好
0 留言
大判烧!黑毛和牛西冷果然非同凡响🥩，虽然系薄切，但面积相当大，大块过个炉面，所以一定要剪开烧。西冷油脂分布劲靓，肥肥边位烧起嚟更香脆🤤。餐厅奉上温泉蛋汁沾嚟食，其实点唔点都咁正。另外两款和牛亦各有特色，并且唔会输比大判烧，因为牛肉稍为厚身啲，口感更满足。
美国谷饲牛盛合
$188
19 浏览
0 赞好
0 留言
牛舌($48)，牛舌系午餐特价追加项目，一客有四件。👅牛舌个样好粉嫩，厚薄适中，食起上嚟有质感，但就绝对唔算韧。
壶渍KAKURA牛胸腹肉
$108
27 浏览
0 赞好
0 留言
壶渍KAKURA牛胸腹肉($108)，呢个系单点主餐牌项目。虽然佢唔完全系肋骨位🦴，但亦都系原条上，份量超多，劲长一条！壶渍处理再配合埋餐厅预先喺肉上面界咗纹，牛肉超级入味，壶底更垫有唔少洋葱。可能我钟意食大啖肉嘅关系，和牛以外我最钟意食就系佢。
讲返午餐，套餐就包括白饭、沙律、小食、餐汤、甜品同饮品。老实讲咸𠮶几款就无乜特别，我略嫌个汤油咗啲，而沙律亦冇乜酱。不过小食系炖牛肉，就加返啲分。🍚白饭就系当中最重要，因为连埋食先唔会嘥咗啲肉汁。
辣冷面
$38
28 浏览
0 赞好
0 留言
甜品
16 浏览
0 赞好
0 留言
另外值得一提嘅系个烧炉，唔知系因为炉具仲新、唔系用咗好耐定点，佢个火候够猛够强🔥，而且好平均，所以自己烧都唔惊会失败。
总括嚟讲，今餐简直系五星级嘅日式烤肉体验😋，各方面都冇令人可以挑剔嘅地方💯。餐厅行中高档次嘅水平，定价一定唔会平，但我就觉得系物有所值。我哋今餐全部食晒牛，但其实呢度都有牛以外嘅选择。我已经期待紧几时再会嚟食，餐厅值得推介🌟！
张贴
