日喜樓 (已結業)

一放工梗系揾好西食，睇openrice得知呢间有百碟宴京川沪菜，咁把炮就要嚟食下。不过我同朋友加埋都系得两个人，十二人份量嘅百碟就食唔到啦，而且要三日前预订，所以唯有自选八碟最想食嘅菜式，食一餐八碟宴 😂 未食前饮杯茶。茶款有好多选择，我地拣左菊花茶，超纯香超好饮～～前菜叫左四款，花雕鸡真系必食。花雕上价易入口，味甘香，鸡用左一份鸡脾肉，超嫩软😋宋嫂鱼羹好多料，笋丝，冬菇丝等，丝丝切得均称，味道酸辣好开胃，加少少胡椒粉更惹味～ 👍🏻爆汁牛肉馅饼🥙 细细个。一口一个时真系要小心，真系脆脆嘅薄皮里面真系包住热浓嘅牛肉汤汁 💥小笼包一笼四只，同样皮薄爆汁，显示晒中国菜嘅功力❣️食过晒前菜，就食主菜。嗌左瑶柱蛋白炒饭，炒到粒粒晶莹独立，加左蛋白，瑶柱丝同菜粒，简单得不简单，好香好好食😋 如果可以日日食就正 😂另外一味就食黄金虾球，配个蛋白炒饭简直系最佳配搭，一流之选👍🏻 黄金虾球虽然得四只，但只只都好似乒乓波咁大粒，炸到香脆，肉质爽实，然后被一层咸蛋黄蓉包住 🤤🤤🤤 同炒饭一齐食真系舔舔脷。食饱先再起甜品，甜品有两道。先系吾是南瓜，原来系南瓜型紫薯馅清蒸糯米滋，入口软绵唔太甜，够晒健康，值得一食