榮式燒雞扒 (吳松街) (已結業)

三五知己去开佐敦一齐食个便饭，其中一个朋友推介荣式烧鸡扒就去左。门口睇落就同一般既冰室无乜分别，入到去地方比较细，坐落唔算特别舒服。打开餐牌睇左一阵都觉得无边一个餐或者饭特别吸引，最后就大家叫左个亲子鸡扒饭。个饭黎到就系一般既鸡扒饭多左蛋同有少少菜，量唔算多，本身对味道方面无乜特别期望，不过食落鸡扒味同医汁味浓郁，亦唔会太咸，配合得比预期中好。个人觉得普通一个鸡扒饭$50蚊左右唔包野饮等等系有啲贵，不过味道方面确实有返咁上下。有机会会再试下佢唔同款色既鸡扒饭。