52C Medium Rare (已結業)

牛魔王嘅我又周围揾牛食，呢间位于佐敦嘅烧牛专门店，提供不同牛嘅部位选择，仲可以拣石烧同网烧，如果食量不大，又想食牛可以享受石烧嘅乐趣。餐厅装修以白色为主，分为上下二层，上层主食网烧，下层为石烧…感觉好干净舒服，虽然店舖不大，但店员好健谈细心招呼，好有亲切感，值得加分。今日我哋二个女仔order 2份石烧牛扒餐，分别系西冷及封门柳。✦下腰西冷套餐 180g 西冷肉质较为结实，食落又唔会觉得靭，而且牛味好浓郁，很有嚼劲感。配埋珍珠饭，好开胃！✦封门柳套餐 180g封门柳比西冷肉质更柔软，放在石烧上再静置1至2分钟后切件，生熟程度刚刚好，肉嫩外焦最为美味。入口肉质松软，不易变韧，而且牛肉味极为浓郁。食完烧牛，最佳配搭当然食雪糕🍦可解油腻感，呢度嘅雪糕口味好独特😂好似去咗凉茶舖，廿八味、火麻仁、红枣茶，真系第一次见！我当然拣个最特别口味廿八味，不过店员话而家转左龟苓膏雪糕，味道甘甘甜甜，龟苓膏嘅味道雪糕嘅口感，推介值得一试👍🏻好创新嘅分子料理！而朋友拣左豆腐雪糕，香浓幼滑，甜度啱啱好。