影片
更多
2016-08-02
897 浏览
夏天食汤饭系好好嘅选择, 撞啱工人放假一个月, 我哋就一个星期嚟三四晚.第一晚食芥菜肉片汤饭, 可能夜晚八点几成九点, 𩠌嘅份量都几大, 啱哂我大胃王;之后试过另外几款, 味道可以架, 份量对我嚟讲偏小, 于是都系返转头食芥菜肉片汤饭,更加印证咗第一晚份量足系因为临收工, 幸好堂食的话饭可以免费添加, 所以绝对食得饱.几十蚊个汤饭, 我唔会太要求有乜嘢服务, 后生仔女侍应倾偈笑得灿烂转头对客黑起块面我都预咗, 但求其有人应我, 有嘢食我就收货. 始终一分钱一分货.呢间铺唔大, 枱几逼, 六点半左右就要喺门口攞筹, 𠮶晚等完枱坐低后叫个紥马尾浓眉大眼有几分似胡定欣嘅女仔落柯打, 等...等...等....等到右边张枱食完.....再坐第二个客落嚟, 嘢食都到, 我哋张枱仲系吉嘅, 其间有中年短发女士侍应路过望到我哋𠮶张 KEEP 住好干净嘅枱面, 不过佢一于你睇我唔到你睇我唔到, 想叫佢时佢开 TURBO 仲行快两步; 终于叫得停个似陈智燊嘅男侍应, 叫佢帮我哋追下单, 佢问我哋张单喺边. 我哋叫佢问返胡定欣, 原来平时做侍应嘅胡定欣去咗做收银, 可能做唔惯啩, 收到一头烟, 陈智燊
第一晚食芥菜肉片汤饭, 可能夜晚八点几成九点, 𩠌嘅份量都几大, 啱哂我大胃王;
之后试过另外几款, 味道可以架, 份量对我嚟讲偏小, 于是都系返转头食芥菜肉片汤饭,
更加印证咗第一晚份量足系因为临收工, 幸好堂食的话饭可以免费添加, 所以绝对食得饱.
几十蚊个汤饭, 我唔会太要求有乜嘢服务, 后生仔女侍应倾偈笑得灿烂转头对客黑起块面我都预咗, 但求其有人应我, 有嘢食我就收货. 始终一分钱一分货.
呢间铺唔大, 枱几逼, 六点半左右就要喺门口攞筹, 𠮶晚等完枱坐低后叫个紥马尾浓眉大眼有几分似胡定欣嘅女仔落柯打, 等...等...等....等到右边张枱食完.....再坐第二个客落嚟, 嘢食都到, 我哋张枱仲系吉嘅, 其间有中年短发女士侍应路过望到我哋𠮶张 KEEP 住好干净嘅枱面, 不过佢一于你睇我唔到你睇我唔到, 想叫佢时佢开 TURBO 仲行快两步; 终于叫得停个似陈智燊嘅男侍应, 叫佢帮我哋追下单, 佢问我哋张单喺边. 我哋叫佢问返胡定欣, 原来平时做侍应嘅胡定欣去咗做收银, 可能做唔惯啩, 收到一头烟, 陈智燊等佢标完烟后问佢, 就返返嚟问我哋食乜嘢, 话阿胡定欣漏咗单. 好喇, 再落过单, 再等.......右边𠮶枱都食完走埋喇, 再有个有少少笑容嘅四眼妹妹仔好有礼貌咁问我哋 : 唔好意思呀, 请问你哋叫咗乜嘢呀.
哗我坐咗大半个钟啦, 呢个时间你应该 SUPPOSE 我食完埋单架喇........我真系唔识答, 唯有起身走. (妹妹仔我真戥你惨, 我知你系无辜, 事实上我坐咗大半个钟, 你系唯一一个令我觉得我冇做错事嘅人, 可惜你俾你啲好同事推咗出嚟受靶)
我系唔介意你冇乜服务, 但系已经过咗我 "求其有人应我, 有嘢食我就收货" 呢个底线 (人人底线唔同, 可能我嘅底线高咗啲!)
厨房大佬俾心机啦, 你哋手势好好, 都系𠮶句, 只系我底线高啫.
张贴