人和月雞煲火鍋店 (已結業)

圣诞节就系要食食食！拆礼物日我就冇礼物拆啦⋯⋯食餐好补返数。同家人去咗食鸡煲火锅放题。限时120分钟，当日小朋友有小小礼物送，好窝心。鸡煲叫了唔辣，味道唔错，最钟意食啲紫洋葱，够惹味，海鲜拼盘跟餐有一碟，有鲍鱼，带子，青口，虾，鱼片，蚬，新鲜嘅都冇沙。牛肉先上一大盘，都可以任叫，带子，虾等海鲜都系，不过就冇第一盘上嘅咁新鲜。蔬菜，唔同类嘅肉丸，甜品，汽水，果汁，茶，系出面任拎，呢度地方比较细，可以选择嘅食物比较少，限制得2小时而要过4百蚊1位，感觉性价比唔高。