Bubble Tree (成業工業大廈)

营业中

休息中

今晚收工同妈妈食饭，观塘超多平靓正嘅食物。今晚揾到呢间新开嘅工厦餐厅，不得了，免加一，价钱平得黎食物又大大份，由前菜沙律、餐汤，到主菜，仲有甜品，加饮品，全套加埋，人均$100都唔洗！完全系时光倒流价，实在值得支持！西兰花藜麦薯仔沙律 $8 薯仔沙律本身有沙律酱，配合西兰花即刻唔会觉得干，味道唔错。田园素菜沙律配牛油果 $8呢个系落沙律醋，牛油果份量唔算多，大概四分一个牛油果。沙律菜都够爽脆。南瓜汤 $5、紫薯汤 $5南瓜汤打得好顺滑，味道自然唔甜。紫薯汤就比较甜，不过系黎自紫薯嘅自然甜，呢个汤就感觉更有淀粉质嘅感觉。法式慢煮猪仔脾配有机红米饭 $65猪仔脾超嫩滑，有两大只，酱汁系酸酸甜甜嘅味道，配合健康红米饭，系几健康嘅配搭。韩式辣汁海鲜意粉配刁草烟三文鱼 $56意粉嘅海鲜有鱿鱼圈、八爪鱼等，当然唔少得烟三文鱼一块。味道黎讲唔算太辣，几有韩式嘅辣中带酸嘅味道。热柠水 $5、泡沫咖啡 $10咖啡8oz同10oz只差$2，当然拣10oz，仲可以免费加调味，好似玉桂粉、榛子粉等，我就拣左加曲奇碎，卖相唔错！不过作为泡沫咖啡，泡沫未免少左啲，整体比较贴近牛奶咖啡。咖啡味都几浓郁，味道几啱我。