影片
更多
2012-04-30
378 浏览
Grand Hyatt Steakhouse系酒店西餐厅，除左有三个钟头免费代客泊车服务，重有部私人「车立」直达餐厅，感觉好高级。楼上室内冷气足，灯光柔和，几有情调，所以见到双双对对o既情侣一D都唔意外，食甜品时先发觉原来好多都系黎庆祝生日o既。Steakhouse地方骨子之外，服务都好有水准，全体上下都咁有礼貌。其中西藉靓女经理不但友善，更毫无架子地落手落脚为客人送上食物，拍照，且不时听取食客o既意见，又落力又咁有诚意，真系非常难得。XO爸同XO妈黎过Steakhouse食过饭，对餐厅所提供o既食物都略知一二。佢地话比大家知食物份量偏劲，如果每样都想试，就建议叫几款头盘同两份牛扒大家分，唔够先再加食物同甜品。 Garlic Bread：蒜蓉包热辣辣，香喷喷，好够新鲜，蒜蓉牛油份量又足，好正！人未到齐我地都已经食左一碟，好彩人齐哥哥仔再加料！ Ahi Tuna Tartare（$210）：Tuna tartare 腍滑够涷，面层o既牛油果加青瓜salsa好香脆，口感味道都咁好。 Steak Tartare（$210）：Steak tartare 同tuna tartare一样咁腍滑脆
Steakhouse地方骨子之外，服务都好有水准，全体上下都咁有礼貌。其中西藉靓女经理不但友善，更毫无架子地落手落脚为客人送上食物，拍照，且不时听取食客o既意见，又落力又咁有诚意，真系非常难得。
XO爸同XO妈黎过Steakhouse食过饭，对餐厅所提供o既食物都略知一二。佢地话比大家知食物份量偏劲，如果每样都想试，就建议叫几款头盘同两份牛扒大家分，唔够先再加食物同甜品。
Garlic Bread：蒜蓉包热辣辣，香喷喷，好够新鲜，蒜蓉牛油份量又足，好正！人未到齐我地都已经食左一碟，好彩人齐哥哥仔再加料！
Ahi Tuna Tartare（$210）：Tuna tartare 腍滑够涷，面层o既牛油果加青瓜salsa好香脆，口感味道都咁好。
Steak Tartare（$210）：Steak tartare 同tuna tartare一样咁腍滑脆口，只系嫌个味道带少少酸，同个人唔系好钟意sour dough。
Seared Maryland Crab Cakes（$280）：蟹饼外层脆薄，整体好够松软，蟹肉鲜甜幼嫩，份量绝不吝啬，个remoulade汁好香，同个蟹饼好夹，掂！
Baked Oysters Rockefeller（$240）：焗蚝鲜甜肥美嫩滑，同桌所有人都赞不绝口！
Seasonal Special - Roasted Bone Marrow（$180）：XO咁大个仔都未食过，不过见老豆同uncle食啜得咁开心，所以都食左一小匙。虽然佢地两个劲赞道菜做得好好，不过小肥就觉得食落成口油，好溜啰。
Barbecued Short Ribs（$320）：外表可能唔系太吸引，好似好㶶咁，食落个皮真系韧左少少，不过胜在牛肉本身肉质够嫩，又唔会干，如果冇煮得咁熟效果应该会好好多。
Porterhouse 38 Oz（$1,550）：生熟程度恰到好处，外皮唔会过㶶，够香脆，肉汁被锁于其中，且肉味浓郁，正！
Chocolate Mud Pie w/ Vanilla Ice-Cream（$160）：我地叫左一份大家分黎食，哥哥仔自动帮我地切埋，感激感激！软雪糕非常香滑，mud pie够moist，朱古力味香浓，但又唔会太甜，一D都唔溜。因为雪糕溶得快，建议餐厅可以先将雪糕杯雪入雪柜。
Washington Apple Crumble w/ Vanilla Ice-Cream（$160）：一款值得等o既甜品！新鲜热辣辣焗出黎，crumble面够松够碎够脆够干够香，入面o既苹果粒同苹果蓉味道酸甜，口感爽脆，同个云尼拿软雪糕一齐食，简直系完美o既配搭。
Rum Baba（$160）：埋枱点火，视觉效果非常震撼。老豆食左块，话酒味香醇，蛋糕软熟，不过因为小弟当晚要开车，为免酒后驾驶，安全起见，我冇份食。
Grand Hyatt Steakhouse地方高尚得黎气氛好轻松，加上名副其实o既酒店级服务，细心体贴，大家都食得好开心好舒服。喺酒店食西餐，一早预左价钱唔会平得去边，好在餐厅食物份量都算多，质量有番咁上下，又够饱肚，人多可以叫多几款一齐分，闲日用AE埋单重有优惠，都可以叫做贵中带抵啦。张贴
