麵屋車仔麵小食 (已結業)

今日睇戏路过荃湾，见场戏就上又饿饿地咁就响荃丰呢几个商场揾下野食，之后荃丰再过几个商场见到呢间小店，其实都唔系第一次黎食，不过唔同既系今次食下午茶。下午茶唔想食太饱叫左个两𩠌车仔面，五香肉丁，腐皮卷河粉，用手写单方式，唔洗听唔咸唔淡广东话，老板友善。腐皮卷一d都唔腐皮，店主采用旧式茶记五香肉丁，加埋自家制腩汁，淡淡都好满足。仲有个自家制辣椒油，不过个人偏向只接受微辣，无放太多。装修格局唔似一般米线店，比较偏向日式格调配上港式车仔面，成个感觉唔同晒，而且会有轻量既音乐，对坐都方便倾计又唔怕太嘈！总结：26蚊两𩠌车仔面，下午茶送豆浆，都算抵食，份量足够，想食小d就叫幼面，食饱点就叫粗面。睇到呢个位可能你会谂除左装修之外仲有咩特别？ 而且荃湾咁多米线车仔面店？答案咪就系食「自家制」同有「人情味」。