影片
更多
2021-05-29
240 浏览
早几日约旧同学食饭，佢系无辣不欢人士，所以就去咗食鸡煲。一入到去金乐轩，老细同姐姐已经殷勤招呼，好详细介绍招牌菜色，咁我地就嗌咗一个水煮牛颈脊，一个干锅椰菜花，一个细size嘅老重庆奇味鸡煲同几个鸡煲配菜。鸡煲份量好大！我地嗌嘅系细鸡煲，但眼见啲鸡块铺满晒成个煲咁多，超抵食。鸡肉嫩滑到可以轻易甩骨，入面啲豆卜都好正，索晒汁，宜家谂起都流口水。旧同学好食得辣，而我就钟意食辣但食唔到太辣，所以我地系order咗小辣嘅。本身有啲担心旧同学会唔会觉得小辣唔够喉，不过佢话因为个奇味鸡煲除咗辣，亦都好重黑椒味，味觉层次丰富，所以佢都觉得大满足。鸡煲嘅配菜都好食。姐姐介绍个鱼皮系佢哋自家炸嘅，浸落鸡煲汤汁度两三秒之后立即食，真系人间美味。鲜鱼片冇骨，双拼饺云吞都唔系雪藏货，抵赞！老板介绍水煮牛颈脊系牛全身做最多运动嘅部位之一，所以食落牛味重，又零舍有咬口，我旧同学赞不绝口。而我就最钟意入边嘅猪红，嫩滑又唔易夹碎，仲有浓郁蒜蓉香，正呀！干锅椰菜花都唔马虎，唔系果啲炒咗之后先摆入个干锅度嘅做法，而系食到真系有干锅煮法嘅香气，如果啲椰菜花可以再淋身啲就perfect晒。竹蔗茅根水清甜，可以一解鸡煲嘅辣味同
一入到去金乐轩，老细同姐姐已经殷勤招呼，好详细介绍招牌菜色，咁我地就嗌咗一个水煮牛颈脊，一个干锅椰菜花，一个细size嘅老重庆奇味鸡煲同几个鸡煲配菜。
鸡煲份量好大！我地嗌嘅系细鸡煲，但眼见啲鸡块铺满晒成个煲咁多，超抵食。鸡肉嫩滑到可以轻易甩骨，入面啲豆卜都好正，索晒汁，宜家谂起都流口水。
旧同学好食得辣，而我就钟意食辣但食唔到太辣，所以我地系order咗小辣嘅。本身有啲担心旧同学会唔会觉得小辣唔够喉，不过佢话因为个奇味鸡煲除咗辣，亦都好重黑椒味，味觉层次丰富，所以佢都觉得大满足。
鸡煲嘅配菜都好食。姐姐介绍个鱼皮系佢哋自家炸嘅，浸落鸡煲汤汁度两三秒之后立即食，真系人间美味。鲜鱼片冇骨，双拼饺云吞都唔系雪藏货，抵赞！
老板介绍水煮牛颈脊系牛全身做最多运动嘅部位之一，所以食落牛味重，又零舍有咬口，我旧同学赞不绝口。而我就最钟意入边嘅猪红，嫩滑又唔易夹碎，仲有浓郁蒜蓉香，正呀！
干锅椰菜花都唔马虎，唔系果啲炒咗之后先摆入个干锅度嘅做法，而系食到真系有干锅煮法嘅香气，如果啲椰菜花可以再淋身啲就perfect晒。
竹蔗茅根水清甜，可以一解鸡煲嘅辣味同热气，一大樽我地全部饮晒。
总体而言呢间金乐轩算系好抵食，旧同学食量出名大，买单六百零蚊我地都托住个肚咁样行出黎，可见佢份量真系唔是讲笑的，会encore！
张贴
