梅園餐室

营业中

休息中

由搬左去黄大仙之后，我就钟意左呢间门口细细，望落好似好旧嘅梅园餐室。搬左嚟禁耐，差唔多间间餐厅都试过晒，有d系唔错，但如果要推荐 我一定拣梅园。同样叫一个沙嗲牛面，如果净系睇价钱，梅园同区内嘅茶记可能差唔多。但系真心讲同样价钱，梅园比嘅系福面而唔系其他茶记嘅大光面，净系呢一样我已经觉得抵番晒。我特别钟意星期日同星期四去梅园，因为有罗宋汤！梅园嘅罗宋汤系我唯一会系出面餐厅叫嘅罗宋汤。唔知太家会唔会同我有一样谂法，我总觉得罗宋汤比起忌廉汤个d更容易中伏。可能大部分嘅餐厅都好注重成本控制，d罗宋汤无唛料，好淡好难饮，但系自从有次我试过我朋友系梅园外卖番嚟嘅罗宋汤之后，我发现我之前饮个d全部都唔可以叫做罗宋汤。细心d睇梅园嘅罗宋汤面层有d红色嘅茄油，浓浓嘅蕃茄味加埋小小嘅辣，碗入面有一半都系汤料仲经常会有牛腩粒，即使系餐汤都唔马虎。梅园比人感觉好唔同，无论系出餐嘅份量，食物嘅质素，都好有人情味。我觉得梅园系d细节位到一份执著同要求，而唔系一般茶记为做生意而唔顾食物水准，值得一赞