金記冰室 (康怡廣場北座)

营业中

休息中

开左咁多间分店既金记终于系鲗鱼涌开分店喇！已经一放lunch就冲过去，但都已经有条人龙系门口。虽然入座等好耐，但上菜效率都几快，叫完5分钟内就上菜。铁板西冷牛扒同一般餐厅一样，有得拣黑椒、蒜茸同烧汁，配饭、意粉同薯菜。份量我觉得都几大份，牛扒都几厚身，而且又唔会好大部分都系骨黎。食落又几好食，keep都d肉汁，唔会overcooked，茶餐厅价钱但质素几高。怀旧红豆冰叫套餐仲可以半价享用饮品，红豆冰椰子味道较重，饮落好香滑。炸鸡脾外面炸到金黄色超靓，实物比相靓好多。睇外表就知道系炸得好好，表皮又薄又脆，一咬落去系爆汁，d肉超嫩滑，好正。食完都明白点解金记啰出名既，茶餐厅价钱，但质素又比茶餐厅高。不过如果lunch hour得一个钟既朋友应该要考虑食第二间。