杏甜品 (豉油街) (已結業)

今日去旺角食甜品，Almond Dessert杏甜品，今次食旺角分店，之前經過尖沙咀，每次都見到人山人海，大排長龍。今日特登喺晚飯前去，希望唔使排隊就可以試到呢間人氣甜品舖。-招牌杏汁波波爽冰木蓮凍(榴槤爽冰，龍眼爽冰)首先必定要揀呢度比較出名嘅，榴槤爽冰同埋龍眼爽冰，榴槤味濃郁，龍眼爽甜，木蓮凍同仙草差唔多，口感滑溜清爽，芋圓咬落煙韌，加上招牌杏汁，口感非常豐富美味。-椰皇桃膠燉雙皮奶(榴槤肉)另外加咗榴槤肉，冰凍嘅榴槤肉啖啖肉，濃厚香味。桃膠份量多，用上北海道3.6牛乳去燉，椰皇椰肉吸收全部精華，鮮甜美味，牛乳加上椰皇肉，額外增添一份椰香。-評分 : 8/10