Nara Thai Cuisine (新城市廣場一期)

营业中

休息中

泰國人氣過江龍餐廳，平日也差不多滿座，首先每枱送上小食蝦片，蝦片非常香脆可口，連小食都整得唔馬虎。我同朋友點左泰式生蝦、香脆蝦餅、斑蘭香葉包雞，以及必食嘅泰式牛肉船麵。泰式生蝦肉質緊緻富彈性，味道甜鮮，配上蒜片及辣椒粒，再沾少許秘製青辣椒醬汁食，開胃得黎食到吾停口。香脆蝦餅可以選3件或6件，蝦餅非常足料，咬落去非常爽口，表皮炸得好香口。斑蘭香葉包雞班蘭葉獨特的清香味，為雞肉增添清甜味道，雞肉偏嫩身，保持肉汁。泰式牛肉船麵湯底以牛骨、豬脊骨及桶骨，加入泰式香草熬製，湯底就咁飲已經覺得好鮮甜，餐廳亦在湯底好加入少許自家製辣椒醬，唔食得辣嘅朋友可以選走辣/少辣。配料有肥牛、泰國牛丸、牛腱、豬油渣及牛柏葉，好足料，牛丸爽口，肥牛牛味濃，金邊粉完全吸收晒湯底嘅精華。泰國人氣餐廳，必食泰式牛肉船麵，湯底以牛骨、豬脊骨及桶骨熬製，非常鮮甜，配料足；另外推薦泰式生蝦，非常新鮮，彈牙爽口，配上秘製青辣椒醬汁，增添風味。