TOSS 蘇媽.蘇媽

营业中

休息中

由深水埗起家，做到开多5间分店，人气依然不减! 开正屋企附近，每次经过都排长龙，好彩唔算等太耐，因为晚市去会限时60分钟。皇帝骨肉骨茶 $208每次去必点肉骨茶，之前试过其他铺头既，肉质比较干柴，但苏妈苏妈既有保证。今次简左皇帝骨，即猪颈背上最嫩滑既部位，每头猪份量唔多，所以每日限量20份，肉质软嫩，带点骨胶原，一份有成6-8旧，好足料! 汤头饮落有当归味，而不油腻，仲有冬菇、豆卜同腐竹配料，饮埋汤，好饱肚。下次会想试佢新出既花胶配猪脚湾肉骨茶。 褔建炒虾面 (伊面) $118伊面软硬适中，每条面都均匀地沾满虾酱，浓郁得黎，唔会死咸，有虾、鱿鱼、炸猪皮等配料。恐龙下蛋 $48马拉白咖啡向来带点朱古力味，配埋香草味雪糕，增添奶味同口感，成杯Mocha，好正!椰汁班兰冰 $48成杯薄荷绿色，面头有几片新鲜薄荷叶，但班兰味唔算好重，底下有粒粒西米，增加口感。