Kachimushi

营业中

休息中

今日入咗元朗探朋友,而家入元朗真系好方便,搭西铁一阵就到,探完朋友梗系叫佢带我去揾啲好嘢食下,佢今日就带咗我去锦田食西餐。餐厅望落去好整洁,装修得好有格调,空间感十分足够,坐得好舒适,喺度食嘢个感觉真系好放松。Kachinushi ,地址系锦田永隆围77号地舖。松露蟹肉沾酱 108元,黑松露加埋蟹肉用嚟配面包,黑松露味道好香,加埋蟹肉嘅新鲜鲜甜味,食落去好有层次,沾少少上面包食,无论口感同味道都好正。牛肉吐司 124元,一上枱已经好吸引,牛肉煎到啱啱好,入口肉质好嫩滑,食落去牛肉味好香浓,仲系好juicy,加上下面有少少洋葱吊起牛肉嘅味道。黄豆粉年糕班戟 78元,非常特别嘅甜品,班戟有啲蛋香味,加上烧到边位有点焦香,食落去好有口感,味道都几特别。年糕口感烟烟韧韧,配搭埋香浓嘅黄豆粉,再配埋雪糕,食落去又冻又热,口感非常特别。柠檬蛋黄酱蓝莓班戟 78元,卖相已经好吸引,雪糕系中间慢慢融化,酸酸甜甜嘅蛋黄酱食落去又开胃又香口。