影片
更多
2023-05-08
1497 浏览
捌壹壹 811 Sichuan Cuisine 📍旺角奶路臣街33号地下F号舖呢日同好耐无见嘅日文buddy食饭，因为实在太耐无catch up，所以都想约佢去一个可以坐得耐啲、又方便我哋一个新界一个港岛人嘅地方，于是就拣咗喺中心点旺角呢度食川菜。呢度有好多款辣料理选择，buddy算系食得辣，而我呢就系明知自己唔系好食得，但又好想食吓过吓口人，所以呢度就好适合我哋喇，因为佢大部份嘅菜式都可以自选辣度，非常人性化！ 💰$238必食冷锅酸菜鱼 🐟嚟到食川菜嘅专门店当然要叫返个酸菜鱼嚟食过下口瘾啦，不过因为我唔食得太辣，咁大锅鱼如果辣到我食唔到就要佢一个人食晒，所以都系叫返个走辣嘅稳阵。原来冷锅即系唔系用电磁炉热住上台嘅锅，个锅都系热辣辣嘅，咁样先唔怕一边食一边煮，煮到啲鱼肉烂晒。虽然系无辣，但都见到个里面有青辣椒，食到微微地嘅辣味，系我接受得到嘅程度。汤底酸酸地，非常开胃。鱼肉片非常多，每片都好大块，而且食晒咁多块都无骨，仲要非常滑溜，一啲鱼腥味都无，唔钟意食鱼嘅朋友都可以大胆尝试一下。我最钟意嘅就系佢有好多配菜，尤其是里面粗粗地嘅宽粉，佢比一般嘅红薯粉口感再烟韧啲，挂埋啲汤一齐食，唔使叫
📍旺角奶路臣街33号地下F号舖
呢日同好耐无见嘅日文buddy食饭，因为实在太耐无catch up，所以都想约佢去一个可以坐得耐啲、又方便我哋一个新界一个港岛人嘅地方，于是就拣咗喺中心点旺角呢度食川菜。呢度有好多款辣料理选择，buddy算系食得辣，而我呢就系明知自己唔系好食得，但又好想食吓过吓口人，所以呢度就好适合我哋喇，因为佢大部份嘅菜式都可以自选辣度，非常人性化！
[价钱 Price]
💰$238
必食冷锅酸菜鱼 🐟
嚟到食川菜嘅专门店当然要叫返个酸菜鱼嚟食过下口瘾啦，不过因为我唔食得太辣，咁大锅鱼如果辣到我食唔到就要佢一个人食晒，所以都系叫返个走辣嘅稳阵。原来冷锅即系唔系用电磁炉热住上台嘅锅，个锅都系热辣辣嘅，咁样先唔怕一边食一边煮，煮到啲鱼肉烂晒。虽然系无辣，但都见到个里面有青辣椒，食到微微地嘅辣味，系我接受得到嘅程度。汤底酸酸地，非常开胃。鱼肉片非常多，每片都好大块，而且食晒咁多块都无骨，仲要非常滑溜，一啲鱼腥味都无，唔钟意食鱼嘅朋友都可以大胆尝试一下。
我最钟意嘅就系佢有好多配菜，尤其是里面粗粗地嘅宽粉，佢比一般嘅红薯粉口感再烟韧啲，挂埋啲汤一齐食，唔使叫个主食都可以好饱肚。另外仲有芽菜、金菇、酸菜、鲜花瓣同埋莴笋，真系好抵食！
[价钱 Price]
💰$58
麻辣猪耳 🐖
第二款人气推介嘅就系呢款麻辣猪耳，辣度拣咗bb辣，食落好重麻香味，唔食得太辣嘅我都接受得到。佢一碟例牌都份量都好多，猪耳软硬适中，亦唔会切后过厚或过幼，仲有青瓜丝同花生粒添，难怪咁受欢迎！
[价钱 Price]
💰$58
黄金芝士豆腐 🧀
呢款黄金芝士豆腐其实同打边炉食𠮶种鱼豆腐好似，食过咁多次都无谂过可以拎去炸，而且佢里面有好多芝士馅，虽然同预期嘅炸豆腐有出入，但都几啱我哋口味。
[价钱 Price]
💰$16
乌龙茶 ☕️
食辣嘢冻冰冰嘅嘢饮就最解渴解辣，我同朋友都拣咗乌龙茶，清清哋又解腻。
张贴
