E FOR EGG

营业中

休息中

E for Egg主打盒子吐司，听讲好多人吃好多人打卡，所以我好早就到咗食晚餐。装饰木系为主，不过坐得未算舒服，睇ig好似可以book位订榻榻米。*金沙软壳蟹三文鱼籽海鲜沙律盒子吐司 $108馅料太丰富令到吐司存在感好低。软壳蟹炸得好香好脆，一啲都唔油腻。炒蛋份量唔算多，未算嫩滑。三文鱼籽点缀吓，淋上金沙酱，不过咸蛋黄嘅咸香未够。番薯条份量少，普普通通。焦糖鸡蛋布丁盒子吐司 $60吐司用牛油煎香咗，比我想像中薄身。布丁软滑偏甜，但未够奶香蛋香，而且份量唔多。焦糖嘅部分来自碟上嘅焦糖酱，所以好啱蚂蚁人。小食拼盘 (日式芝士年糕 & 酥炸鸡软骨) $58份量2人share啱啱好，芝士年糕软糯但芝士未够澎湃，鸡软骨炸得酥炸得脆。开心果特调 $56最底有豆腐花配料，开心果味浓，不过啲冰溶咗会沟淡咗，估唔到开心果味配豆味几夹。面头有奶泡，但奶味比较淡。