青花 (THE FOREST)

想坐得舒服啲，拣左呢间fusion泰菜人气cafe 食lunch坐得几舒服，服务都唔错。假日冇set lunch, 主menu食物选择都唔太多，不过款式都几特别。马萨拉香料牛肉咖哩香料味浓厚，小辣，非常惹味，送饭一流。除左牛肉之外，仲有好多蔬菜，有秋葵、茄子、薯仔、莲藕，令营养更加均衡。香辣蟹蒜炒面原本想拣menu上有3个辣椒嘅炒粿条，不过同行友人唔好辣，所以拣左呢个。蟹肉都几多几鲜味，不过咸左少少，整体都算几惹味，但偏油腻唔算太有特色😅杨枝金露奶盖底层系芒果寒天，中间有芒果肉，面层系奶盖同柚子。店员建议搅匀先好饮，友人超快手搅匀晒，所以未有尝到奶盖滋味。杯野饮好足料，冇咩冰，啖啖芒果味，唔太甜，推荐。