影片
更多
2024-01-26
2513 浏览
陈仪兴尚潮楼 Chan Yee Hong Sheung Chiu Lau📍鲗鱼涌英皇道1001号7楼1号舖嚟咗港岛区返工之后，一直想周围觅食，识下唔同餐厅。呢晚终于俾我揾到另外三位识食之人，同我一齐试下一间潮式打冷。佢哋嘅招牌菜有潮汕卤水、传统潮州手工菜同各式各样嘅特色汤羹、小菜。我哋会拣佢，因为佢完美将怀旧潮菜同新派元素结合，令无食开潮式料理嘅人，都可以更容易接受；而且佢算系陈仪兴呢个老字号嘅高档版，装修具有中国古典优雅风，台与台之间都有古色古香嘅屏风相隔，好适合三五知己聚脚。介绍食物汤品前，不得不提呢度嘅一大特色，就系功！夫！茶！餐前餐后都会奉上，茶浓味甘，既开胃又解腻。功夫茶嘅选料好严格，烘焙嘅方法亦好有学问，所以冲泡功夫茶系一门非常讲究同费功夫嘅手技。 💰$88凉拌海蜇头 🐙我哋叫咗两款前菜，先介绍凉拌海蜇头。海蜇头色泽偏黄，口感Q弹厚实兼爽脆，咬落去会有索索声！佢嘅调味偏酸带微辣，仲有麻油嘅清香，食落非常醒胃。 💰$68凉拌云耳 🍄凉拌云耳口感爽脆，酱汁微辛，份量好多，系另一必点醒胃前菜！ 💰$338卤水拼盘 🍱一个价钱，食齐各样卤水名物，包括大肠、生肠、墨鱼、腩肉、元蹄，性
📍鲗鱼涌英皇道1001号7楼1号舖
嚟咗港岛区返工之后，一直想周围觅食，识下唔同餐厅。呢晚终于俾我揾到另外三位识食之人，同我一齐试下一间潮式打冷。佢哋嘅招牌菜有潮汕卤水、传统潮州手工菜同各式各样嘅特色汤羹、小菜。我哋会拣佢，因为佢完美将怀旧潮菜同新派元素结合，令无食开潮式料理嘅人，都可以更容易接受；而且佢算系陈仪兴呢个老字号嘅高档版，装修具有中国古典优雅风，台与台之间都有古色古香嘅屏风相隔，好适合三五知己聚脚。
介绍食物汤品前，不得不提呢度嘅一大特色，就系功！夫！茶！餐前餐后都会奉上，茶浓味甘，既开胃又解腻。功夫茶嘅选料好严格，烘焙嘅方法亦好有学问，所以冲泡功夫茶系一门非常讲究同费功夫嘅手技。
[价钱 Price]
💰$88
凉拌海蜇头 🐙
我哋叫咗两款前菜，先介绍凉拌海蜇头。海蜇头色泽偏黄，口感Q弹厚实兼爽脆，咬落去会有索索声！佢嘅调味偏酸带微辣，仲有麻油嘅清香，食落非常醒胃。
[价钱 Price]
💰$68
凉拌云耳 🍄
凉拌云耳口感爽脆，酱汁微辛，份量好多，系另一必点醒胃前菜！
[价钱 Price]
💰$338
卤水拼盘 🍱
一个价钱，食齐各样卤水名物，包括大肠、生肠、墨鱼、腩肉、元蹄，性价比够晒高！陈仪兴最出名嘅系佢嘅秘制陈年卤水汁，由多种香料卤制而成，味道香醇，还原正宗潮汕风味！
本地大肠、生肠入味非常，外皮弹牙；墨鱼唔韧，质感嫩滑；腩肉肥瘦适中，瘦肉唔干，肥肉唔重油腻感；元蹄肉质扎实，表皮爽口。一个拼盘满足晒各人喜好所需，认真抵赞。
[价钱 Price]
💰$158
榄菜肉松生菜包 🥙
榄菜肉松煮得非常入味，上台时榄菜味芬芳扑食，唔会过份湿润或干身，质感恰到好处，喺面上洒满嘅松子仁超级香口，好食到停唔到口。虽然佢系跟配生菜包，但我哋认为捞饭送粥，都一样好食！
[价钱 Price]
💰$228
潮式鱼丸肉碎煮汕头白 🍡
潮式鱼丸爽口弹牙，每咬一啖都到鱼嘅鲜味，落埋肉碎去煮汕头白菜。白菜入味腍身，索满汤汁，整体味道口感细腻，净食定送饭都一流！
[价钱 Price]
💰$118
方鱼炒芥兰 🥬
食亲潮州菜，我都好钟意叫方鱼入饡嘅菜式，例如方鱼肉碎粥、方鱼炒饭之类。今次嚟到呢度都唔例外，我哋叫咗个方鱼炒芥兰，睇相都见到佢啲芥兰几绿油油啦。佢嘅芥兰好嫩口，所以唔会过硬同有渣，用方鱼嚟炒，就可以落少啲盐，因为方面味道偏咸，质感偏硬，所以唔洗额外调味就已经好够。
[价钱 Price]
💰$78
咸菜花蛤汤 🐚
花蛤鲜甜肥美，只只都好厚肉，自身已带浓浓嘅海鲜味，配上咸菜、蕃茄、胡椒、芫荽一同熬煮，集所有食材嘅精华于一身。汤底有海产嘅鲜味、咸菜带层次嘅咸味、蕃茄嘅酸甜味、胡椒嘅辛辣味同芫荽嘅清香味，真系好正！
[价钱 Price]
💰$78
二十年老菜脯炖鲜猪肚 🐖
佢哋选用嘅猪肚非常新鲜，无任何膻味或异味，而且细细一盅居然有三至四块又大又厚嘅猪肚，真系好抵食。二十年老菜脯系由萝卜经长时间天然发酵熟成，由于要储存喺陶瓮中反覆腌、压、翻、晒，工序极为繁复，有黑金人参之称。
呢款炖汤温润甘香、汤底清甜，不见一滴油。冬天饮后感到非常滋润，而且仲有化痰止咳嘅功效，饮完真系好舒服。
张贴
