肉肉烏冬

营业中

休息中

餐厅系日式木系设计风格，店舖嘅标志系猫猫嘅肉掌，店入面嘅水杯同筷子托都系肉掌图案。中午时间12:15店舖出面已经有好多人，我哋大约要等20张枱，正打算放弃之际就发现前面有好多人都走咗。大约等咗半个钟左右可以入坐。好可惜嘅系店舖嘅招牌忌廉咖喱乌冬已经售罄，而我想饮嘅特色饮品都售罄，最后叫咗个火炙牛肉寿喜烧沾乌冬。挂住喺碗边嘅牛肉当然冇图片咁多片，只系得五小片，个人觉得寿喜烧嘅汤底偏咸，又油又咸最后话加柚子汤都系加左少少，完全食唔到加左有咩分别。重点乌冬系冻嘅，沾沾下连汤冇埋温度。汤亦都好难挂上乌冬度，最后都系浸住啲乌冬变咗汤乌冬。牛肉比较薄身，食唔出有咩特别，感觉上有啲名过其实。天妇罗炸虾拼盘都系香脆，但系一个$168套餐嘅份量同行嘅两位男士都话食唔饱。整体而言又未至于系中伏嘅，只不过系呢个价钱对比呢个质素，同埋要等咁耐就有啲唔系太值得。