蝦麵店 (蘭杜街) (已搬遷) 新店位置

香港有好多西餐厅、日本餐厅、泰国餐厅等等，食马来西亚菜嘅真系好少见😳虾面店喺香港都开咗好一段时间，人气都keep住做到好高，加上系良心食店，更受大家欢迎。两年前帮衬过荃湾分店，质素都好高，今次试吓湾仔分店先。马来西亚菜真系劲耐都吾食一次，就咁一睇就好特别，以小食同埋面类为主。秘方汤底有辣味虾汤底同埋咖喱喇沙汤底，各有特色，香港都冇乜边度有得食。脆炸豆腐豆卜好邪恶，吾喺度食都吾知豆卜可以当系餐厅其中一道小食，好香口同脆身，当系餐前小食都几适合。沙嗲肉串不论喺泰国餐定马来西亚菜当中同样受欢迎，不过马来西亚风味嘅就当然相对少食，试吓如何先。Hmm，感觉上串烧上面嘅一粒粒就吾系沙嗲，好似系花生酱黎？鸡脾肉串口感够嫩滑同埋实在，加埋花生酱又几有创意。跟住试吓招牌虾汤底，用虾壳、洋葱、辣椒等材料，加入少量肉骨手炒超过7小时，做成肉汁，再配以米粉、油面、蔬菜、鲜肉片同埋虾仁，使得虾味非常香浓！虾仁爽口弹牙，肉片就有嚼劲，辣辣哋嘅感觉都刺激味蕾。老公叫咗杯青柠梳打，吾会太甜，酸酸嘅味道够开胃，夏天好啱饮。