劉一手重慶火鍋 (又一城)

营业中

休息中

虽然9月嘅香港天气仍然出奇地酷热，今晚都约上朋友专程来试下重新登陆香港嘅重庆刘一手。新店采用大红色及脸谱搭配浅木，会令人联想起重庆红油麻辣火锅嘅汤底。餐厅当晚几乎满座，睇黎都仲系相当有人气。新店嘅火锅汤底选择有好多种，除左招牌嘅红油麻辣汤底之外，仲有好几款唔辣嘅选择，好似芫茜皮蛋汤，花胶螺头汤，沙爹汤底等等。我地就拣咗一锅三款唔同嘅汤底。火锅配料方面也好吸引，我自己就最满意个刘一手招牌鲜切三拼，里面有鹿儿岛和牛，豚肉腩同美国牛小排，而且放系一个直立式嘅拼盘上面好有创意。海鲜同蔬菜拼盘都好新鲜。另外餐厅嘅生啤都好好饮，不过想再order嘅时候就要等比较耐先上，后来仲同我哋讲啤酒卖晒。最后嘅两个甜品味道都好令人满意，尤其系个红糖糍粑，非常烟韧。总体来讲食物嘅质素系唔错嘅，服务方面可以再做好啲。