影片
更多
2021-05-12
56 浏览
最近讲起想食下新加坡菜, 朋友即刻推介我地去长沙湾呢间苏山鸡饭。本身谂住早少少去食饭, 避开晚市人潮, 点知未够7点, 去到已经座无虚席。虽然门口有一条人龙, 但餐厅安排得好快, 只系等左一阵就可以入座了。原本我地只系座2人枱, 但醒目又细心既店员见我地order 咁多食物, 惊张枱无位摆, 即刻转我地去坐卡位, 呢点真系抵赞! 新加坡白胡椒肉骨茶配白饭+炸油条 $68 - 我地改左转油饭, 油饭香气扑鼻, 入口啖啖油香, 不知不觉食哂成碗饭。排骨既肉质软淋易咬, 汤底充满药材香味, 胡椒味仲几重, 仲有脆卜卜既油条, 好正!狮城芽菜走地鸡半只$130 - 芽菜系肥肥矮矮既怡保芽菜, 味道清甜又爽口。走地鸡既肉质充满弹性, 而且鸡味浓郁, 就咁单独食已经好好味, 如果想食浓味少少, 仲可以配上3款酱料同食 (浓酱油/酸辣汁/姜蓉), 味道层次更加丰富。 星洲龙虾叻沙掺掺配鲜油咖央多士 $88- 性价比极高又充满视觉震撼既一碗掺掺!! 第一时间先呷一啖汤, 入口微辣同时充满椰奶香味, 一饮就知系落足心机煮既好汤底。掺掺即系米粉+油面, 佢地吸收哂汤底既精华, 极度好味。有大大只既龙虾,
本身谂住早少少去食饭, 避开晚市人潮, 点知未够7点, 去到已经座无虚席。
虽然门口有一条人龙, 但餐厅安排得好快, 只系等左一阵就可以入座了。
原本我地只系座2人枱, 但醒目又细心既店员见我地order 咁多食物, 惊张枱无位摆, 即刻转我地去坐卡位, 呢点真系抵赞!
新加坡白胡椒肉骨茶配白饭+炸油条 $68
- 我地改左转油饭, 油饭香气扑鼻, 入口啖啖油香, 不知不觉食哂成碗饭。
排骨既肉质软淋易咬, 汤底充满药材香味, 胡椒味仲几重, 仲有脆卜卜既油条, 好正!
狮城芽菜走地鸡半只$130
- 芽菜系肥肥矮矮既怡保芽菜, 味道清甜又爽口。
走地鸡既肉质充满弹性, 而且鸡味浓郁, 就咁单独食已经好好味, 如果想食浓味少少, 仲可以配上3款酱料同食 (浓酱油/酸辣汁/姜蓉), 味道层次更加丰富。
星洲龙虾叻沙掺掺配鲜油咖央多士 $88
- 性价比极高又充满视觉震撼既一碗掺掺!! 第一时间先呷一啖汤, 入口微辣同时充满椰奶香味, 一饮就知系落足心机煮既好汤底。
掺掺即系米粉+油面, 佢地吸收哂汤底既精华, 极度好味。
有大大只既龙虾, 肉质弹牙啖啖肉, 加埋分量超多配菜如豆卜, 鱼片, 芽菜, 通菜同鸡蛋等等, 超级满足。
- 鲜油咖央多士 真系必食推介!! 多士哄得热辣辣又香脆, 配上大大件半溶既冰冻牛油加上微甜既咖央, 一冷一热既口感, 够哂邪恶同时又好有满足感 !
雪山樽仔奶茶 (跟餐加 $9)
- 茶味香浓, 奶香味重, 口感滑顺, 啱哂我呢个奶茶怪。
热鲜柠檬薏米 (跟餐加 $6)
- 用料十足又天然既一杯养生饮品, 唔会太甜, 感觉开胃健康。
张贴
