影片
更多
2023-12-15
58 浏览
见Umi系openrice 长期人气高企。今日放工就同同事嚟食晚餐。5:50去到，原来餐厅晚市开6:00。好彩餐厅门外放咗几张凳，等我哋可以坐住等。餐厅开门喇，一入到去，有一边一整排都系大大嘅玻璃窗。可以望到维港夜景。由于我哋系第一枱，仲可以坐到窗边二人枱。餐单只有两页，简单易明。而店员都有逐枱同食客讲解今日嘅甜品同埋厨师发办系乜嘢。炸软壳蟹咖喱蛋包意大利饭（$158）：侍应一攞到黎，只蟹系向上企喺蛋包饭上面嘅。不得不赞佢嘅卖相，颜色配搭好好。咖喱系属于日式嘅咖喱，甜甜地既。软壳蟹好大只，食完好满足。不过我自己本身钟意食硬少少嘅意大利饭，如果佢可以硬番少少就更好喇。火炙北海道带子明太子意粉（$148）：卖相打卡一流。带子以串烧嘅造型出现！明太子味好浓. 酱汁份量非常充足。仲有好多蟹肉喺入边。我哋其中一个餐+$48 有自选饮品加精选甜品，而另一个餐+$88有自选饮品加自选甜品。柚子海绵蛋糕：呢个系精选甜品。柚子味酸酸甜甜，味道清新。海绵蛋糕湿润软熟。宇宙金时pancake ：份量好大。两个人食真系好满足呀。其实佢系有五层。最底𠮶两层系pancake，跟住系绿茶蛋糕，红豆雪糕同埋绿茶雪米糍
见Umi系openrice 长期人气高企。今日放工就同同事嚟食晚餐。
5:50去到，原来餐厅晚市开6:00。好彩餐厅门外放咗几张凳，等我哋可以坐住等。
餐厅开门喇，一入到去，有一边一整排都系大大嘅玻璃窗。可以望到维港夜景。由于我哋系第一枱，仲可以坐到窗边二人枱。
餐单只有两页，简单易明。而店员都有逐枱同食客讲解今日嘅甜品同埋厨师发办系乜嘢。
炸软壳蟹咖喱蛋包意大利饭（$158）：侍应一攞到黎，只蟹系向上企喺蛋包饭上面嘅。不得不赞佢嘅卖相，颜色配搭好好。咖喱系属于日式嘅咖喱，甜甜地既。软壳蟹好大只，食完好满足。不过我自己本身钟意食硬少少嘅意大利饭，如果佢可以硬番少少就更好喇。
火炙北海道带子明太子意粉（$148）：卖相打卡一流。带子以串烧嘅造型出现！明太子味好浓. 酱汁份量非常充足。仲有好多蟹肉喺入边。
我哋其中一个餐+$48 有自选饮品加精选甜品，而另一个餐+$88有自选饮品加自选甜品。
柚子海绵蛋糕：呢个系精选甜品。柚子味酸酸甜甜，味道清新。海绵蛋糕湿润软熟。
宇宙金时pancake ：份量好大。两个人食真系好满足呀。其实佢系有五层。最底𠮶两层系pancake，跟住系绿茶蛋糕，红豆雪糕同埋绿茶雪米糍。最顶仲淋咗少少绿茶酱。两层pancake之间已经夹咗红豆雪糕。pancake好软熟，有好多气孔。加埋甜甜地嘅红豆雪糕一齐食好夹。红豆雪糕有好多红豆粒。至于绿茶蛋糕，可能因为我食咗比较甜嘅红豆雪糕先再食佢，所以觉得佢味道比较清淡。至于个绿茶糯米糍，佢系有我钟意嘅甘甘地嘅绿茶味，糯米皮唔太厚。整个甜品黎讲我觉得好好食。
草莓鲜奶：好靓嘅粉红色。饮落甜甜地但又唔会太漏。
黑加伦子乳酪：乳酪饮品感觉好健康。味道酸酸味味，令人好开胃。
好满意嘅一餐。唔怪之得佢排名咁高。
张贴
