影片
更多
2025-01-19
1724 浏览
啱啱过去嘅星期日同洪哥参加咗个10km慈善赛，成绩都几OK，加上佢又啱啱晌日本「关西」跨年旅行，食咗好多日本好嘢，喺无食铁板烧，所以，今晚同佢两支公上到嚟「铁板烧海贺」食番餐豪嘅贺一贺，顺便提早团个年。唔好睇佢门口细细，其实内里有干坤，布局上，除分设咗几个铁板烧席前区之外，仲有多张挨窗嘅4人枱，供应俾唔食铁板烧嘅客人。此外，仲有啲对住落地大玻璃嘅厢房，因为有客，就唔方便入内参观。装修方面，非常高格调，一来地方宽敞，座位编排阔落，二来楼底特高，空间感十足，再者就喺餐厅位处居高临下，远眺对岸，入夜灯光如繁星，甚为璀璨。就算食咁高档嘅铁板烧，感觉气氛都喺好轻松。讲到坐位，当然喺拣堂前席就最好不过啦，一来可以欣赏师傅做菜嘅手艺，二来有咩问题又可以直接问，跟师傅交流吓、学吓嘢。无论睇店名，还是睇格局，明显都喺主打铁板烧，其实，餐厅都仲有好多刺身、日式料理供选择。之不过，呢个「秋冬会席」套餐就最高性价比，连埋面豉汤，其实有10道菜，既有刺身，又有特别料理，并有4款铁板烧美食，原本标价$1,080，依家定价每位$880。如果想更加豪气，更可以追加南非鲍鱼、西澳洲龙虾及北海道海胆！饮品方面亦多元化，基
唔好睇佢门口细细，其实内里有干坤，布局上，除分设咗几个铁板烧席前区之外，仲有多张挨窗嘅4人枱，供应俾唔食铁板烧嘅客人。此外，仲有啲对住落地大玻璃嘅厢房，因为有客，就唔方便入内参观。
装修方面，非常高格调，一来地方宽敞，座位编排阔落，二来楼底特高，空间感十足，再者就喺餐厅位处居高临下，远眺对岸，入夜灯光如繁星，甚为璀璨。就算食咁高档嘅铁板烧，感觉气氛都喺好轻松。
讲到坐位，当然喺拣堂前席就最好不过啦，一来可以欣赏师傅做菜嘅手艺，二来有咩问题又可以直接问，跟师傅交流吓、学吓嘢。
无论睇店名，还是睇格局，明显都喺主打铁板烧，其实，餐厅都仲有好多刺身、日式料理供选择。之不过，呢个「秋冬会席」套餐就最高性价比，连埋面豉汤，其实有10道菜，既有刺身，又有特别料理，并有4款铁板烧美食，原本标价$1,080，依家定价每位$880。如果想更加豪气，更可以追加南非鲍鱼、西澳洲龙虾及北海道海胆！
饮品方面亦多元化，基本嘅汽水、啤酒、果汁就唔少得，亦提供唔同嘅餐酒、烈酒、鸡尾酒及非酒精嘅鸡尾酒。
Ananas Comosus $108既然咁高兴，就嗌两杯无酒精鸡尾酒试试，洪哥就拣咗杯以热情果汁、菠萝汁、青柠及姜味梳打沟成，卖相好东南亚风，洪哥就话入口清爽，满满果香味，配浓味嘅铁板烧好搭配。
Callisia Repens $108小弟所拣嘅喺以青柠同接骨木花汤力组合成，再加一小串薰衣草做装饰，卖相好晶莹，未饮都觉得透心凉，配即做即食热焫焫嘅铁板烧，一热一冻非常过瘾。
精选秋冬前菜两点不过，未入正题铁板烧之前，先迎来多款日式料理，打头阵喺两款开胃前菜：𩽾康鱼肝、烧海鳗配昆布。卖相的骰精巧，前者口感软滑细致，味道浓郁，而后者鳗鱼味浓，质感柔嫩，昆布醋渍过，去腻感强。
精选秋冬前菜两点
0 浏览
0 赞好
0 留言
秋冬精选刺身跟住落嚟喺刺身三点，包括有赤身、油甘同甜虾，贯彻日本菜嘅一贯精致，刺身嘅外观亮丽有光泽，睇落够晒新鲜。入口赤身味道鲜甜，油甘清爽，甜虾肉质带回黏，甚有虾鲜味。
松叶蟹大根煮物最钟意就喺啲蟹菜式唔使自己拆肉，就可以大大啖蟹肉入口，所以，呢度煮物甚得小弟欢心。面头嘅松叶蟹肉好鲜味，而中间有一件嫩滑嘅炸豆腐，最底下就喺汁煮萝卜，咬落极之清甜，入口更喺无渣，记得饮埋底下嘅本菇清汤。
松叶蟹大根煮物
19 浏览
0 赞好
0 留言
甘鲷立鳞烧芒果蛋黄酱甘鲷立鳞烧让人好有惊喜，外表炸到金黄，咬落外皮酥脆到不得了，配上京葱一齐入口，有种平衡感；而鱼肉滑溜无比，沾上芒果蛋黄酱，味道极具层次，甚有锦上添花之效。
甘鲷立鳞烧芒果蛋黄酱
4 浏览
0 赞好
0 留言
甘鲷立鳞烧芒果蛋黄酱
8 浏览
0 赞好
0 留言
卒之轮到铁板烧菜式登场，先喺呢个烧帆立贝，睇住师傅喺铁板上煎呢一只珍宝级厚肉帆立贝已经万分期待，帆立贝两面煎至黄金放上有松茸清汤嘅贝壳上，非常吸引。肉质果然爽口嫩滑，味道鲜甜，松茸清汤菌香而清甜，配搭出色。
铁板烧帆立贝松茸清汤
35 浏览
0 赞好
0 留言
睇住师傅点样将只大虾翻嚟翻去，烧至焦香，再摆盘、加装饰，实在喺赏心乐事，呢道大虾卖相立体，体现出师傅嘅手艺。而虾肉唔单止新鲜弹牙，仲极具鲜虾味，配上蜜糖山葵酱，微微辣，非常有趣，多士片烘得脆口，可以搽埋啲蜜糖山葵酱唔好嘥。
铁板烧大虾蜜糖山葵酱
0 浏览
0 赞好
0 留言
铁板烧美国牛肉眼薄烧唔介意可以加$200转为A4和牛厚烧，但小弟觉得呢个美国牛肉眼已经好好食。牛肉煎至焦脆，咬落喺有微微焦脆感，而软腍富肉香，里面卷住好多葱粒同炸蒜，食起嚟味道变得更多元化。再伴有鲜甜多汁嘅意大利蕃茄，食得出每样食材都喺上乘之材。
铁板烧美国牛肉眼薄烧
0 浏览
0 赞好
0 留言
铁板烧美国牛肉眼薄烧
0 浏览
0 赞好
0 留言
睇住师傅做最后一道铁板烧嘅菜式「炒饭」之时，侍应先捧上一客面豉汤，虽然只喺简单一道面豉汤，但都有高低之分。呢碗汤嘅面豉味浓而不浊，唔会有过咸嘅问题，里面又有唔少油豆腐同昆布，非常好饮。
三十六个月风干伊比利亚火腿炒饭虽然喺铁板烧，但喺个炒饭一样食到有「镬气十足」嘅感觉，加上啲饭炒得粒分明，爽口不油腻，配埋咸香油润嘅西班牙火腿，成为升级版嘅炒饭，三扒两拨就帮佢清晒成碗，而且，食完更唔会碗底起油。
甜品接近尾声就梗喺轮到甜品时间，今晚所试到嘅甜品喺红豆抹茶奶冻，大大粒嘅红豆既清甜，又软腍，而里面仲混入咗少少营养十足嘅桃胶，下层
嘅奶冻抹茶味浓郁带甘，质感软滑，着实唔错。
整晚嘅用餐体验的确非常之好，由招呼入座、到上菜、讲解菜式，都做到非常到位，侍应都好有礼貌，加上每度菜都有心思，用料上乘，食得出师傅手艺，尤其坐喺堂前席，可欣赏埋师傅做菜，何其赏心乐事。
张贴
