泰金國

营业中

休息中

泰式拼盘⭐️⭐️⭐️⭐️个拼盘份量都好大份下～好推荐入面𠮶个鸡卷同埋皮蛋炸虾饼💗好好食啊！外面炸到好酥脆，但系层粉又唔会太厚，虾饼就可以食到入面真系有一粒粒啊虾🦐泰式炒金边粉⭐️⭐️⭐️⭐️⭐️成个粉系有少少甜甜地嘅味～坚好食😚啲金边粉系有嚼劲个种，唔会话淋晒架，食到有少少过瘾，直程可以自己一个K.O.一碟🤣烧牛肉⭐️⭐️⭐️⭐️⭐️必食烧牛肉！今次叫咗五成熟，食落去觉得啱啱好😍而且仲有炭烧味道，食紧𠮶阵仲见到隔篱枱encore又encore🤣泰式肉碎生菜包⭐️⭐️⭐️⭐️成个𩠌都系属于比较清爽～食落去觉得啲香料好丰富😋而且啲肉碎真系好多haha，到最后食都食唔晒🤣虾酱超通菜⭐️⭐️⭐️⭐️⭐️啲菜炒完仲有少少脆口，碟菜上面见到用左好多虾仔🦐而且成碟菜系炒得好入味！椰青⭐️⭐️⭐️⭐️⭐️见到张张枱都叫沙冰，我就叫左椰青啦，成日出街叫椰青都会食到啲好老嘅椰肉，不过尼个系好嫩口🥰饮完解渴又好甜嘅椰水之后，轻轻一刮就可以食到入面嘅椰肉，啲椰肉仲好靓添！