影片
更多
2021-04-16
745 浏览
2021年4月3日中午12点30分到，我哋黎食午餐。成间餐厅得两枱客咁制，所以我地好快入到去。咁岩公假，冇午市优惠，唔知系咪咁少左人帮衬啦。但都无阻我地帮衬佢。叫完餐，朋友啲餐都一个个黎晒，等到佢地就黎食完，三十几分后，先黎我个餐，我个肚都饿到打晒鼓。一见到我个日式炒面终于到，真系想大快朵颐，点知.....个面表面到有大大张纸！！！唔系我食食下，喺底到揾到，系一眼就喺个表面发现到。究竟系想点，厨房果个上菜盲左？个侍应面盲埋？成间餐厅冇咩人，炒个面咁耐，仲可以咁俹簁！见到张纸，已经举手叫个侍应同佢讲我要投诉，佢第一反应系几好笑嘅，佢讲左句：「唔好啦～」佢又几可爱啵🤣🤣，但诉我都坚持要投啰。佢本身想同我换过一个就算，点可以算？！我饿到就癫，竟然畀「纸」我食。佢话帮我叫店长，顺便收走我个炒面，唔知佢系咪想毁尸灭迹，佢攞走前我就同佢讲我影晒相架啦。个店长到左，都系讲句唔好意思，话厨房落肉嘅时候唔小心连埋张纸落去炒。其实讲咩都得，可能真相系擦完厨房张纸唔小心落左去都得。然后个店长，都想换左个餐当冇事，问题系我完全唔想再喺到食任何野。我未投诉都落纸，我投诉完系咪畀痰我食？ 佢根本冇处理到客人嘅不满
咁岩公假，冇午市优惠，唔知系咪咁少左人帮衬啦。但都无阻我地帮衬佢。
叫完餐，朋友啲餐都一个个黎晒，等到佢地就黎食完，三十几分后，先黎我个餐，我个肚都饿到打晒鼓。一见到我个日式炒面终于到，真系想大快朵颐，点知.....个面表面到有大大张纸！！！唔系我食食下，喺底到揾到，系一眼就喺个表面发现到。究竟系想点，厨房果个上菜盲左？个侍应面盲埋？成间餐厅冇咩人，炒个面咁耐，仲可以咁俹簁！
见到张纸，已经举手叫个侍应同佢讲我要投诉，佢第一反应系几好笑嘅，佢讲左句：「唔好啦～」佢又几可爱啵🤣🤣，但诉我都坚持要投啰。佢本身想同我换过一个就算，点可以算？！我饿到就癫，竟然畀「纸」我食。
佢话帮我叫店长，顺便收走我个炒面，唔知佢系咪想毁尸灭迹，佢攞走前我就同佢讲我影晒相架啦。
个店长到左，都系讲句唔好意思，话厨房落肉嘅时候唔小心连埋张纸落去炒。其实讲咩都得，可能真相系擦完厨房张纸唔小心落左去都得。
然后个店长，都想换左个餐当冇事，问题系我完全唔想再喺到食任何野。我未投诉都落纸，我投诉完系咪畀痰我食？
佢根本冇处理到客人嘅不满啰。我同佢讲想向佢地公司投诉，佢揾左劲耐，先写左个电话畀我。个电话本身系9字头嘅，后来佢话揾到卡片，咁个卡片就3字头嘅，仲要公假打唔到，要我等到星二（7/4）先打到去投诉，大家知佢地几正啦。投个诉都要个客等，正到呢.....其实等佢揾卡片畀我时候，我已经去左佢官网打投诉信，但直到我宜家（7/4）喺OpenRice再闹爆佢，都仲未即时处理我个投诉，就知佢地几无视客人嘅投诉，不如考虑折左佢？
攞埋将客服卡片，我某朋友叫嘅雪糕都仲未黎，个雪糕唔知系咪边到空运，塞紧车....最后紧系取消左啦。
投诉完一大轮，我啲朋友都食完，个店长先讲话free左我地张单。但咁样唔代表我唔会再投诉你地店啰。
喺喱间餐厅搞左成个钟，我一粒米都冇食过，要再去出面求其买野食。
就算我冇畀到钱，但时间都浪费晒落喱间餐厅到啰！
喺到返工返学嘅你哋钟意浪费时间等佢啲唔知有咩垃圾附送嘅餐，随时光临。
日式9炒纸面
31 浏览
0 赞好
0 留言
日式9炒纸面
20 浏览
0 赞好
0 留言
张贴
