大記攦粉糕點專門店 (已搬遷) 新店位置

以前买,系大大件件,买得五六件,会有个发泡胶盒装住,重揼揼。而家变晒独立包装,唔环保之外,仲细件左好多,而且感觉非常商业。呢D中式糕点,咁样包装法,失晒风味,讲真,影响到,好似无以前咁好食添!姜汁蕃薯糕,姜味好轻微,蕃薯亦切得太幼细,失左蕃薯的重型口感。不过好欣赏佢既创意!南杏北杏糕,上次食同今次食,都好重南北杏味。但唔钟意佢混入整粒杏,起码都揼碎佢,食落唔会零零舍舍有粒o赵口野吖!红豆糕,请左人食,记得上次食都ok。芋头西米糕,唔够芋头粒,而且芋头唔绵。整体糕点,质感爽而烟韧,蒸一蒸,本身favor味仲出D添!其实都算依然好食,不过都系o个句,咁机器啤出黎既形态,失晒「真」之余,亦是传统手艺失传的开端....。