貓咪貓咪HOME (已結業)

自己系一个猫痴但奈何父母反对唔比养所以超想去猫猫Cafe玩玩猫咪呀~今日就拉埋朋友仔飞去喵星球同喵喵过一个晚上~一踏入猫咪猫咪HOME,空气清新,完全无动物异味,感觉好干净地方唔算好大~但猫咪好多呀~满足晒我爱猫的心而且好好彩,D猫猫大部份都好活跃,唔会净系瞓觉,即刻帮怇地影下相先~店主好有心思,每只猫猫都有名牌,又提供猫咪玩具,我地可以边叫佢地个名边同佢玩~一间主题CAFE除了主题做得好之外,食物都好重要,先可以留得住D食客呢方面猫咪猫咪HOME都无令我地失望!食物同饮品款式多,而且有D名字都同猫猫有关,好可爱呀! (唔记得影餐牌添)经典小食拼盘:有炸鸡翼,炸饺子,司华力肠,薯条,呢碟小食拼盘点会唔好食呢~鸡翼做得好好~唔会只系外皮够味,入面既肉都腌够味~全部热辣辣炸起千岛海鲜三文鱼比萨:烟三文鱼加芝士&千岛酱配薄批底,Pizza刚焗好上枱既一刹那,已经闻到好香,整个配搭好夹,批底够脆~好惹味,令人食完再食All Day Breakfast: 摆碟好精致,中间个心心碗好靓蘑菇有用牛油,所以食落好香~炒蛋够滑,加少少盐食就好好味~两块包如果再烘香口点就更好食~沙律菜加左少少我至爱既芝麻