影片
更多
2019-10-14
109 浏览
呢段日子出街食饭真系几不智，所以都买定𩠌返屋企煮。太夜收工唔想开镬煮饭，入定波仔叮叮饭就啱晒喇！饭、意粉同糖水食得多，最近先留意到有点心，几得意，加上好耐冇去啲咩咩酒楼饮茶，咁值得入手试一试，老公今晚就买咗叉烧肠粉、虾饺、咖哩什菜牛肉烤饼返屋企。 叉烧肠粉，似足酒楼咁有三条，但就多好多叉烧，足料好多～我钟意佢冇落芫茜，啲肠粉皮好正，少少豉油已经好好味喇。 虾饺都唔错嘅，咬开入面全部系虾，有啲马蹄，口感唔错，冇茶楼咁大只，啲皮都几好，叮叮点心嚟讲，做到晶莹剔透效果。 呢个咖哩什菜牛肉烤饼个人强力推介！估唔到唔洗煎都有生煎包效果！入面牛肉讲真唔算多，好多薯仔同红萝卜粒，咖喱味浓，唔系辣个种，有啲日式咖喱嘅感觉，真心唔错，同埋呢个好大个，叮系上嚟热辣辣非常香，呢款一定要encore，大量入货！抗争日子漫长，最紧要系返到屋企食饱饭呀！香港人加油！！
呢段日子出街食饭真系几不智，所以都买定𩠌返屋企煮。太夜收工唔想开镬煮饭，入定波仔叮叮饭就啱晒喇！饭、意粉同糖水食得多，最近先留意到有点心，几得意，加上好耐冇去啲咩咩酒楼饮茶，咁值得入手试一试，老公今晚就买咗叉烧肠粉、虾饺、咖哩什菜牛肉烤饼返屋企。
叉烧肠粉，似足酒楼咁有三条，但就多好多叉烧，足料好多～我钟意佢冇落芫茜，啲肠粉皮好正，少少豉油已经好好味喇。
虾饺都唔错嘅，咬开入面全部系虾，有啲马蹄，口感唔错，冇茶楼咁大只，啲皮都几好，叮叮点心嚟讲，做到晶莹剔透效果。
呢个咖哩什菜牛肉烤饼个人强力推介！估唔到唔洗煎都有生煎包效果！入面牛肉讲真唔算多，好多薯仔同红萝卜粒，咖喱味浓，唔系辣个种，有啲日式咖喱嘅感觉，真心唔错，同埋呢个好大个，叮系上嚟热辣辣非常香，呢款一定要encore，大量入货！抗争日子漫长，最紧要系返到屋企食饱饭呀！香港人加油！！
张贴
