土司工坊 (已結業)

今日晨咁早就入元朗做嘢，早餐都未食，经过商场时见到又吐司工房，所以就坐低食个早餐先！早餐嘅选择大多数都系TOAST SET多！我叫咗最经典嘅咖央多士配南洋奶茶，仲可以配半熟蛋或者系煎蛋，我选择咗煎蛋。十一点后先有嘅粉面同饭餐。有梳化位可以自成一阁，可以清清静静咁叹番个早餐。我点左嘢食之后，店员先俾咗个牌同杯奶茶我，野食就要坐低等店员俾你！南洋奶茶已经加咗糖，所以本身都系甜嘅，色泽未算金黄，饮落去都算滑，不过就冇港式奶茶咁浓厚！香料味太重，不过亦系南洋奶茶嘅特色！今次件多士睇外表就已经知道烤得未够火喉，颜色未系全片多士都系金黄色，所以一啲都唔脆身！唔知系咪因为啱啱开舖嘅原因，个多士炉仲未热，件咖央多士一D都唔错脆，而且仲系冻冰冰嘅，但系又好明显系有烤过嘅！正常应该多士系要香脆，而且最好要有微热，再加埋一片厚厚嘅牛油同咖央酱，食落去应该系外脆内软、外热内冻的，咁就最Perfect ！味道方面，因为咖央酱嘅关系所以甜甜地带有啲椰香嘅味道，再加埋牛油香同咸咸地嘅味，所以味道不错，只系差左多士未够脆身！我叫咗煎蛋，仲冇2大只！之后再加埋特制嘅酱油，味道好浓但唔会有好咸嘅感觉！至于煎蛋就做得唔错，