新園興記燒臘飯店 (已結業)

姻缘际遇，今日又要去上环做嘢，去到附近记得呢间米芝莲给嘅烧腊舖，记得上次食过好味，今次再去尝试，希望食得返上次嘅好味道！跟住都系食叉烧，不过上次食濑粉，今次瀬粉卖晒，只能食米粉。老实讲，个人喜好，烧味配濑粉，点都好食过用米粉，但系卖晒都冇办法！不过重点并唔系碗粉面上面，系叉烧！今次order嘅时候冇指明要食肥叉定系瘦叉，但系啲叉烧都真系瘦得有啲过火，同埋叉烧乱放嘅程度，都令到碗叉烧米粉卖相扣咗啲分数。我同我同事讲，话啲叉烧仲亁过我块面，可能个阿姐听到，过咗阵无端端切咗几旧比较肥少少嘅叉烧俾我，话切几旧肥啲嘅俾我试吓。咁我又同我同事即管试下，其实结果系旧叉烧肥返少少，但味道依然比之前去稍有逊色⋯⋯(唔通因为米芝莲加持下我期望太高?) 同场加映，我对面搭枱果位哥哥，佢话啲饭煮得唔好食，有啲硬….佢亦有表示啲嘢比较之前逊色咗啲…. 当然，人人口味唔同，我唔钟意唔代表啲乜嘢，只系纯粹分享下今日经歴同感受😆🙏🏻 *有例汤送