MO Bar (裝修中)

约左啱啱返嚟香港嘅朋友嚟呢度饮野，我自己嚟过呢度好多好多次，以前最钟意饮佢哋嘅Hong Kong legend，后来减肥唔想饮咁甜所以都好耐冇饮。佢哋座位唔多，但当晚人唔算多，去到就有位。喺我哋点完嘢饮之后，窗口位𠮶枱嘅客人就买单准备离开，因为朋友难得返嚟香港一次我都想佢哋坐窗口位影靓相，所以就同左服务员讲，一阵等佢哋清理完张枱之后可唔可以坐𠮶张枱，服务员礼貌地表示当然可以阵间就帮我地换位。后来招呼我哋嘅服务员入咗吧枱调酒，当我地见到张枱清理好之后，竟然见到貌似系一位经理带咗两位客人直接坐𠮶张枱。我同朋友都好无奈，觉得佢哋之间欠缺沟通，先会有呢个情况出现。过咗一阵我同经理表示其实我哋一早已经request咗要啦枱不过唔紧要啦但希望下次唔会有咁嘅情况发生。佢好有礼貌同我地道歉表示唔好意思。后来个两位客人走咗之后佢问我地仲想唔想转枱，我哋坐落咗就费事转啦，所以就表示唔需要啦。最后佢送咗一下小食俾我哋，送酒都几好食嘅。