淥鼎記

营业中

休息中

第二次再食渌鼎记，系11月尾，4人食。当日7:30到，book 咗抬，唔系冇位⋯个餐加理1，每人4百几，冇限时间㗎。先上一份刺身，有三文鱼，带子，饱鱼，虾，全部大只新鲜，呢个系只有一份，食紧鱼生时，就上羊腩煲，呢个系冬天期间限定，唔食羊可以选择其他，记忆中有酸菜鱼，鸡煲。羊腩煲好浓味，我哋拎咗啲生菜煲嚟食，呢到同其他任食火锅店一样，蔬菜，调味料，丸类，饮品系餐厅中间任拎。食完羊腩煲，待应会收走，另上打边炉汤底，唔系好记得叫咗乜嘢汤底，不过好清，不过不失，同时间上理个餐嘅一份靓牛肉同海鲜。牛肉真系靓，有牛味又唔太肥，海鲜就可以啦。仲有其他火锅配料可以Q R code 点，我哋已经够晒，冇另叫。间中嚟同朋友放肆下，好幸福。