侯斯頓西餐廳 (已結業)

Houston。晴。寻日去咗同街嘅HEITI'S待遇极差，今日回归我嘅放假lunch首选 Houston。是日餐汤喺匈牙利牛肉汤，饮落有牛味又唔过咸。餐包系普通麦包胜在热辣辣。主菜美国安格斯扒，叫咗medium还算啱火喉，虽然筋位稍多，但微焦格纹好有碳火香，肉味亦浓，个人认为呢度用磨菇汁配衬比烧汁/黑椒汁更美味。配菜炸薯条够薯味又够粉，外脆内软。咖啡煮得稍㶶但还可接受，而且另上牛奶比客调味好恰当。虽然店舖得两个服务员又爆场，女嘅稍嫌无耐性又粗声粗气啲，但唔系金鱼游魂状态集中力好高反应好快。整体无论食物质素定服务都好过隔离舖。