炑八韓烤親子餐廳

营业中

休息中

仔仔生日谂住带佢去啲亲子餐厅庆祝，见到呢度个波波池重开，所以同朋友一齐嚟食，playarea 干净，设施种类多，有厨房仔、化妆枱、大型积木、波波池、滑梯、韩服试穿等。食物种类都好多，质料上乘，仲有儿童餐提供。顶级霜降牛小排一向都好喜欢佢嘅牛小排，见到啲牛肉嘅雪花分布好靓，好容易烧，落少少盐，更加带出牛嘅甜味，入口即溶。韩国梅花肉拣咗薄切同韩式秘制酱油，好入味，一大块上枱，烧嘅途中再剪成一粒粒，再慢慢烧香两边，外脆内软，肉汁丰富。大八爪鱼🐙真系好大只八爪鱼，烧嘅时候，好似识郁咁样，好得意，个汁有少少辣。鸡腿肉用梨汁腌好嘅鸡腿肉，好清甜，鸡肉好滑好甜，小朋友好钟意食。因为烧肉需时，所以叫咗两个儿童餐比小朋友。蜜蜂嗡嗡小跑车上餐外观，非常可爱，小朋友很喜欢，里面仲有薯条、炸鸡、蜜蜂造型寿司饭，全部都系小朋友最爱。可爱猫咪饭有白饭、蛋、火腿等材料造成嘅猫咪样，又可爱又好食，仲好健康，好适合细女食。水果班戟甜品份量大，有好多班戟，细细粒，啱晒小朋友，水果好甜。仲叫咗两杯冷压果汁俾小朋友，真材实料。我自己就要咗杯士多啤梨特饮，充满沙冰，唔太甜，啱晒配合烧肉一齐食。