神川日本料理

营业中

休息中

约咗朋友去食厨师发板，实在太高级所以不得不分享！虽然地方唔系好容易揾，但系都多人嚟呢度食嘢。呢个系前菜， 一碟是有海胆同三文鱼子，非常清新; 中间𠮶碟好爽口的；左边𠮶个就系三文鱼下巴，酸酸地又爽口好开胃。沙律除咗有好多沙律酱之外表面仲有蟹子，食落去口感非常清新而且开胃。刺身方面由有三文鱼、吞拿鱼、银鳕鱼 、竹签鱼同埋鱿鱼包住海胆。三文鱼好肥美；吞拿鱼其实系拖罗部份入口即溶无筋非常鲜味；银鳕鱼非常滑身又香甜、最特别系鱿鱼包海胆，两者配搭相得益彰令口感非常丰富。透明的刺身鱼口感爽口弹牙，味道比较清新唔会有好重嘅鱼腥味。吉列这个口感外皮比较香脆，达致一个十分丰富的味道和口感仲有个烧鱼，如果冇记错好似系吞拿鱼尾，烧得好香，分量十足而且质感都OK滑！食到停唔到口。甜品系姜汁芝士cake，本身芝士会比较饱肚，但系加上左姜汁少少清新嘅香味之后，令到个味道中和左，食完都唔会话太过腻。