嵐月 (AIRSIDE)

营业中

休息中

Airside商场开咗一段时间，终于有时间嚟逛吓。泊好车由B1开始低层行上去，直到行到三楼开始有少少肚饿，见到岚月门外嘅装饰设计好靓就被吸引埋去。职员安排好坐位后就慢慢介绍餐厅内可以选择嘅中茶，最后就拣选咗唔会太浓味嘅碧螺春。选择四个菜式，包括：黑醋伊比利亚猪鞍半红酒桥头熟成鹰嘴鱼酒盗南非鲍鱼龙虾甜品：啤梨川贝炖陈皮酒盗南非鲍鱼即系平时叫开嘅醉鲍鱼，柔嫩细滑，入口弹牙嘅口感，值得一试。龙虾就泡油后再调味，除咗肉质弹牙外，酱油味道令人回味。黑醋伊比利亚猪鞍半红酒桥头酸酸甜甜味道令人食指大动，红酒桥头亦可以令人更开胃。熟成鹰嘴鱼用煲仔上，煲内铺满了姜丝可以令鱼更加鲜味，而烹调方式亦令到鱼肉嫩滑。最后品尝久违味道嘅啤梨川贝炖陈皮，好适合秋凉嘅日子，可以润一润喉咙。品尝完呢一餐已经准备中秋再同家人一齐做节。