大榮華圍村菜 (已結業)

行完街, 超肚饿, 去到大荣华一睇个菜牌, 花多眼乱, 因为实在太多𩠌拣喇, 搞到我有少少选择困难症添 最后扰攘完一轮, 终于叫咗三样𩠌: 围头五味鸡(1只) - 睇同食都似豉油鸡, 鸡嘅肉质并不太稔, 而且都好入味, 并略带豉油嘅甜味, 鸡系以汁浸住, 所以食嘅时候点上一D汁, 就更好味!!金莎鲜鱿 - 脆浆薄, 咸蛋黄亦遍满每件鲜鱿, 鲜鱿很新鲜, 食落都好爽口!酸梅蒸鳝 - 豉汁蒸鳝就食得多, 用酸梅蒸就真系第一次试, 入口感觉几清新, 酸酸甜甜的, 有D似酸甜骨嘅味, 汁里面亦加入咗芹菜同草菇去煮, 其实个汁都算浓, 可惜嘅系同个鳝唔系好夹, 而且个鳝吸收唔到个汁嘅味, 所以食落会有D淡口, 要每食一啖都点多D汁先可以有番D味, 唔系难食嘅, 不过个人而言, 都系钟意豉汁蒸鳝多D~~~加了个驰名嘅砵仔猪油捞饭, 猪油同头抽都会随砵仔饭一同奉上, 自己想落几多就几多, 食落好香, 同埋唔会觉得肥腻, 头抽亦唔太咸, 一句讲晒「正」!!!!!饭后亦有糖水送, 红豆沙, 有陈皮味, 而且煲到起沙, 好味道~~~