十三少 (已結業)

每隔一排我都会挂念十三少嘅精致装修同埋川式美食，今日系时候再嚟回味一下。椒麻皮蛋，椒麻味道突出，再加上我至爱嘅蒜头、青椒同辣椒，为呢一餐揭开一个好好嘅序幕。十三少酸菜鱼，酸菜鱼嘅气势同水煮鱼亦都不遑多让，两者都系大大嘅一盘，够哂睇头；鱼肉比起上次嘅水煮鱼更加滑溜，今次少咗宽粉，但系换嚟嘅系白萝卜同埋莴笋，索尽汤汁嘅味道。口水鸡，口水鸡贯彻十三少嘅正宗川味，味道依然系我嘅最爱。红糖糍粑，今次呢一个甜品令我相当惊喜，糍粑炸得非常脆身，口感烟韧软糯，点埋啲红糖一齐食， 真系好食到不得之了。