一幻拉麵 (已結業)

夜晚约左老公睇戏，未够钟睇戏，所以睇戏前黎个early dinner，快食拉面喺中环呢个物价咁高嘅地方黎讲真系算系唔错嘅选择。价钱唔算太贵，但质素非常之好，疫情冇得去日本黎，黎一幻食个招牌虾汤拉面真系可以一解思乡之苦！🫠🫠🫠平时lunch time都比较多人，6:30pm呢个时间唔洗等位直接有得入去食。环境：灯光光猛，位算宽落，坐得都算系舒适。员工：正常有礼。食物：招牌虾汤拉面真系好得，沾面就麻麻。。招牌虾汤拉面，超级好味，食过真系返唔到转头。佢上面果啲虾碎无得顶，我未捞汤前就咁食，食到停唔到口，但系都要留啲用黎捞下汤嘅。。饺子就不过不失啦沾面，我地两个人食，谂住一个汤面一个沾面。沾面真系麻麻，本身唔系好够味，再食完个招牌虾汤拉面先食佢就觉得唔太ok了。