時新快餐店 (已結業)

第一次食，算系慕名而来，入到去见到环境系比较怀旧嘅，仲系橙色胶櫈，餐牌款式唔多，而且大部分都系单点，就嗌左最多料嘅芝士蛋汉堡同薯条，期间因为谂太耐所以俾啲姨姨话左两句。。。等左一阵就有得食，见到个汉堡真系流晒口水啲汁系多到流出黎，只蛋系虽然系普通煎蛋，但系啱啱熟，所以比平时嘅汉堡蛋香，到但汉堡排真系不得了，入面洋葱嘅比例恰到好处，啲肉又系啱啱熟，又嫩又多汁，不过块芝士就逊色啲，因为应该系平时系超市见到嘅片装芝士。食完包就食薯条，呢种坑纹薯条一向都粗身多薯仔，不过就炸得太耐，㶶同油左少少。结论系我仍然会因为个包而再帮衬嘅！