麻辣派對 (金百利廣場) (已結業)

去开铜锣湾做嘢，经过金百利楼下，见到我之前喺尖沙咀食过的麻辣派对，对这间的酸菜鱼念念不忘，于是二话不说马上搭lift上4楼再试。内部装修和尖沙咀相似，依旧系花花世界，神秘又美丽。一坐低见到午市套餐超级抵食，因为样样都想食，所以拣咗3个套餐，一个系酸菜江团鱼。新鲜鱼肉又大片又软滑，鲜甜无骨，最重要系不会一夹就散，虽然系套餐，但不会因价就货，竟然有十片鱼肉咁多，同大量了配菜，真系，绝对超级抵食，必点😋 土豆焖黄鸡，鸡肉嫩滑不嚡口，同薯仔一样炆得入味，要嚟捞饭绝对可以三扒两拨食晒成碗白饭。红烧猪软骨炆津白，真系蚊得软腍入味，猪软骨嘅软骨炆到透明，食落啖啖骨胶原超正👍，津白索晒啲酱汁，非常之好食。每个套餐都包一碗白饭一杯饮品，要了冻柠檬茶，所有饮品比起一般茶餐厅，都起码大一半，超大杯。因为点了3个餐，所以另一个餐要了老火汤，汤头浓郁而甜，没有加味精，饮晒都不会觉得口渴，正到呢!总括嚟讲呢间套餐选择超多，嚟多几次都试唔晒，下次午餐都好选择。