Non Kitchen

营业中

休息中

好耐无去观塘Non Kitchen食饭，今日心血来潮，所以决定收工去叹返个美味嘅晚餐。亚拉斯加蟹肉牛油梨塔依个系我好喜欢嘅一个沙律菜，不但只外表美观，美道亦相当唔错。蟹肉、牛油果、番茄粒等味道完美配合，再加上鱼子酱，带入海洋嘅气息。果一少少嘅咸味、更加突出蟹肉嘅鲜味。鲜蚬意大利扁面厨房似乎落错咗意大利面唔系扁面，不过因为唔想浪费食物，所以都无同餐厅讲到。蚬都落得几多嫁，个汁微辣，同鲜蚬好夹，越食越开胃。黑松露野菌薄饼上枱嘅时候，完全feel唔到黑松露嘅味道，反而系一阵黑醋嘅香味，心谂：会唔会搅错咗嫁？一食落，先发现原来黑松露酱收咗系芝士底下，咁样反而无咗果种喺唔喺都用黑松露嘅反感。黑醋同黑松露都几配合，两者都唔会抢咗风头，加上火箭菜同野菌中和返，成个pizza一啲都唔腻。苹果挞依道系我喺Non Kitchen 最喜欢嘅甜品。薄薄嘅苹果片铺满整个稣皮，再入焗炉焗得香脆可口。一面食苹果挞，再一边食上面嘅云呢拿雪糕，双重享受。破晓对于个名点嚟，真系无咩研究。依个系一杯咖啡、榛子同Baileys嘅饮品。Baileys令榛子咖啡味道升级、再加上雪糕，令饮品更顺滑。