孖啡

营业中

休息中

是日做完facial觉得好肚饿，见天气太冻就顺便系同一座大厦食埋嘢先走。相对商场cafe楼上cafe性价比系会高啲，地方阔落之余又唔需要限时，仲有board game免费借玩，原来我都好耐冇约朋友冇去楼上cafe玩啦，好怀念啊！龙虾汤天气冻最正就系饮热汤，于是加配咗个龙虾汤，味道不过不失，胜在够热饮完个身即时暖咗。软壳蟹黑松露意大利粉软壳蟹大大只咬落外脆内juicy, 唔使拆壳都食啖啖肉，绝对系中意食蟹嘅懒人首选。意大利粉软硬适中，质地好滑溜，系我喜欢嘅口感，配料有菇、洋葱同红黄椒，红黄椒有轻微酸甜味可以中和忌廉酱汁嘅油腻感，好欣赏厨师嘅心思。水牛城鸡翼天气冻胃口特别好忍唔住叫多个鸡翼，外脆内juicy嘅鸡翼配合水牛城酱汁，酸酸辣辣好过瘾。玫瑰花&洋甘菊茶为咗避免太晏饮咖啡失眠，所以拣咗花茶，茶味清香易入口，饮完返屋企程车瞓足全程，果然对睡眠好有效。朱古力心太软&雪糕心太软热辣辣有香喷喷嘅朱古力味，用匙羹切开见到有朱古力流心，心太软外脆内软，焗得刚刚好，配上冰冻雪糕一冻一热好醒神。