永樂園餐廳

营业中

休息中

同老公嚟中環睇醫生，難得嚟到中環，梗係要食番以前最愛嘅熱狗。餐廳有兩層，上層係外賣，另一層堂食位於地牢。「 永樂園」 好耐冇食過，呢度裝修格局依然，但價錢已經比以前貴咗好多。熱狗餐 + 茶走 $36熱狗有單腸 / 雙腸選擇，我要咗單腸。熱狗味道依然，最鍾意都係佢個醬，實在令人回味。窩蛋免牛飯 + 茶走 $63熱狗之外，窩蛋免牛飯係另一推介。將雞蛋喺牛肉裏面撈勻，熱力將雞蛋整至半熟，蛋黃香氣四溢， 加埋免牛粒用嚟撈飯，極之一流，每淡飯都好好食。